வெளியே போவதற்கு இவ்வளவு பில்டப்பா? -பாஜக எம்எல்ஏவை கலாய்த்த சபாநாயகர்!

தமிழகத்துக்கு நீட் தேர்வில் இருந்து விலக்கு கோரிய மசோதாவை தமிழக ஆளுநர் ஆர.என்.ரவி, சபாநாயகர் அப்பாவுக்கு அண்மையில் திருப்பி அனுப்பினார்.

கிட்டதட்ட ஐந்து மாதங்கள் ஆளுநர் மாளிகையில் இருந்த மசோதா ஒப்புதலுக்காக ஜனாதிபதி மாளிகைக்கு செல்லும் என்று எதிர்பார்க்கப்பட்டு வந்து நிலையில், மசோதா திருப்பி அனுப்பப்பட்டதால் அதிர்ச்சியில் ஆழ்ந்த முதல்வர் மு.க.ஸ்டாலின், கடந்த 5 ஆம் தேதி அனைத்துக் கட்சி கூட்டத்தை கூட்டினார். அந்தக் கூட்டத்தில் நிறைவேற்றப்பட்ட தீர்மானத்தின்படி, இந்த விவகாரம் குறித்து விவாதிக்க சட்டமன்ற சிறப்பு கூட்டம் இன்று நடைபெற்றது.

காரசார விவாதங்கள் அரங்கேறிய இந்தக் கூட்டத்தில் பாஜக எம்எல்ஏ
நயினார் நாகேந்திரன்
பேசும்போது, “நீட் தேர்வை ரத்து செய்ய திமுக அரசால் இரண்டாம் முறையாக தீர்மானம் கொண்டு வரப்பட்டுள்ளது.

‘காமாலைக் கண்… இதுதான் உங்க டக்கா..’? ஆர்.என்.ரவியை சாடிய சபாநாயகர் அப்பாவு!

ஏற்கெனவே அதிமுக ஆட்சியில் இருக்கும்போது நிறைவேற்றப்பட்ட அந்தத் தீர்மானம் ஆளுநருக்கு அனுப்பப்பட்டு அவர் மூலம் குடியரசுத் தலைவருக்கு அனுப்பப்பட்டு நிராகரிக்கப்பட்டது. நிராகரிக்கப்பட்ட தீர்மானத்தை இன்று மீண்டும் சட்டப் பேரவையில் திமுக அரசு கொண்டுவந்துள்ளது இது தேவையானதா?

நீட் தேர்வால் சமூக நீதிக்கு பாதுகாப்பு இல்லை என்று அவர்கள் குறிப்பிட்டுள்ளனர் ஆனால் இன்று நீட் தேர்வு மூலமாக அனைத்து சமூகத்திற்கும் சமூகநீதி காக்கப்பட்டுள்ளது. திமுக அரசு அரசியல் லாபத்திற்காக இந்த தீர்மானத்தை கொண்டு வந்துள்ளது. இது ஏற்புடையது அல்ல; எனவே பாஜக இதனை எதிர்த்து வெளிநடப்பு செய்கிறது” என்று நயினார் கூறினார்.

இவ்வாறு அவர் கூறிய பிறகு, மற்றொரு உறுப்பினர் பேசியபோது நயினார் நாகேந்திரன் குறுக்கிட்டதாக தெரிகிறது. இதனை கவனித்த சபாநாயகர், “சபையில் இருந்து வெளியேறுவதற்கு இவ்வளவு பில்டப் வேண்டாம்; போக நினைத்தால் போய்விடுங்கள்” என்று நயினாருக்கு
சபாநாயகர் அப்பாவு
அறிவுறுத்தினார்.

Leave a Comment

This site uses Akismet to reduce spam. Learn how your comment data is processed.