சட்டப் பேரவையில் இதை நோட் பண்ணீங்களா? இந்த தலைமுறை பார்க்காத விஷயம்!

சட்டப் பேரவையில் எதிா்க்கட்சி, ஆளும் கட்சிகளுக்கு இடையிலான மேஜை இடைவெளி குறைந்துள்ளது. பேரவை நிகழ்வுகளை நேரலை செய்வது, காகிதமில்லாத பேரவை போன்ற அம்சங்களே இதற்குக் காரணமாக சொல்லப்பட்டாலும் ஆரோக்கியமான உரையாடல் நடப்பதற்கான சூழல் நிலவுவதை இந்த ஏற்பாடு மறைமுகமாக சொல்வதாக கூறுகிறார்கள் அரசியல் விமர்சகர்கள்.

நீட் விலக்கு சட்ட மசோதாவை ஆளுநர் திருப்பி அனுப்பியதால் சட்டமன்ற சிறப்பு கூட்டம் நேற்று கூடி மீண்டும் சட்ட மசோதா இயற்றப்பட்டு ஆளுநருக்கு அனுப்பி வைக்கப்பட்டுள்ளது.

செயின்ட் ஜார்ஜ் கோட்டையில் நடைபெற்ற கூட்டத்தில் கவனிக்கத்தக்க அம்சங்கள் சில இருந்தன. திமுக ஆட்சிக்கு வந்ததிலிருந்தே சட்டப்பேரவையை மிக கண்ணியமாக நடத்தும் பணியை மேற்கொண்டுள்ளார் முதல்வர்
மு.க.ஸ்டாலின்
.

அடேங்கப்பா, இத்தனை மாவட்டங்களில் மழையா? வெளியான அறிவிப்பு!

எதிர்கட்சியினருக்கு முக்கியத்துவம் அளிப்பது, கட்சிக்காரர்களிடம் தன்னை புகழ்ந்து பேசக்கூடாது என கட்டளையிட்டது, சட்டமன்ற நிகழ்வுகளை பொதுமக்கள் முழுவதும் பார்க்கும் வகையில்
நேரடி ஒளிபரப்பு
செய்வது, சட்டமன்ற உறுப்பினர்களுக்கு கையடக்க கணினி வழங்கியது என பல விஷயங்களை சொல்லலாம். அந்த வகையில் எதிர்கட்சி, ஆளுங்கட்சி மேஜைகள் இடைவெளி இன்றி மிக அருகில் தற்போது அமைக்கப்பட்டுள்ளது.

எதிர்கட்சித் தலைவர் எடப்பாடி பழனிசாமி பேசும் போது காங்கிரஸ் உறுப்பினர்கள் குறுக்கீடு செய்த போது திமுக பொதுச் செயலாளரும் அமைச்சருமான துரைமுருகன், “எதிர்கட்சித் தலைவர் பேசும் போது இடையூறு செய்யக்கூடாது” என பேசி எடப்பாடி பழனிசாமியை பேச வைத்தார்.

இதே அவையில் கடந்த காலங்களில் பல விரும்பத்தகாத நிகழ்வுகள் அரங்கேறின. 1999ஆம் ஆண்டு மாா்ச் மாதம் சட்டப் பேரவையில் நிதிநிலை அறிக்கை மீதான விவாதம் நடைபெற்றபோது அ.தி.மு.க. உறுப்பினராக இருந்த தாமரைக்கனி, அமைச்சராக இருந்த வீரபாண்டி ஆறுமுகத்தின் முகத்தில் குத்தினாா். அவா் அணிந்திருந்த மோதிரம் வீரபாண்டி ஆறுமுகத்தின் மூக்கில் குத்தி ரத்தம் கொட்டியது.

ஆளுநருக்கு செம பதில் சொன்ன அமைச்சர் மா.சுப்பிரமணியன்

அதன்பின்னரே ஆளுங்கட்சி, எதிர்கட்சி மேஜைகள் இடைவெளி விட்டு அமைக்கப்பட்டன. தற்போது இந்த இடைவெளி குறைக்கப்பட்டுள்ளது. பேரவை மண்டபம் ஆறு பிரிவுகளாகப் பிரிக்கப்பட்டுள்ளது. அதில் ஆறாவது பிரிவின் கடைசியில் இரண்டு இருக்கைகள் எடுக்கப்பட்டு அந்த இடத்தில் நேரலை ஒளிபரப்பு செய்வதற்கான வசதி ஏற்படுத்தப்பட்டுள்ளது. இதையடுத்து ஏற்பட்ட இடப்பற்றாக்குறை காரணமாகவே ஆளுங்கட்சி, எதிர்கட்சி மேஜைகள் அருகருகே அமையுமாறு ஏற்பாடுகள் செய்யப்பட்டுள்ளன.

தன்னை வாக்களித்து
சட்டமன்றம்
அனுப்பிய மக்கள் நேரலையில் தனது செயல்பாடுகளை பார்த்துக் கொண்டிருக்கின்றனர் என்ற எண்ணம் உறுப்பினர்களை சிறப்பாக செயல்பட வைக்கும் என்பதில் சந்தேகம் இல்லை.

Leave a Comment

This site uses Akismet to reduce spam. Learn how your comment data is processed.