ஜெர்மனியில் ஹிட்லரும் இப்படித்தான் பேசினார்.. பாஜகவுக்கு கார்த்தி சிதம்பரம் பதிலடி!

100 வருடமானாலும்
காங்கிரஸ்
ஆட்சிக்கு வராது என்று பிரதமர்
நரேந்திர மோடி
பேசியிருப்பதற்கு சிவகங்கை காங்கிரஸ் எம்.பி.
கார்த்தி சிதம்பரம்
பதிலடி கொடுத்துள்ளார். ஹிட்லரும் இப்படித்தான் பேசினார் என்று அவர் கூறியுள்ளார்.

பிரதமர் நரேந்திர மோடி நாடாளுமன்றத்தின் இரு அவைகளிலும் , குடியரசுத் தலைவர் உரை மீதான விவாதத்திற்குப் பதில் அளித்துப் பேசினார். அப்போது காங்கிரஸையும், காங்கிரஸ் தலைவர்களையும் கடுமையாக சாடிப் பேசியிருந்தார்.

ராஜ்யசபாவில் அவர் பேசும்போது 100 வருடமானாலும் காங்கிரஸால் மீண்டும் ஆட்சிக்கே வர முடியாது என்று ஆவேசமாக கூறியிருந்தார் பிரதமர் மோடி. இந்த நிலையில் தனியார் டிவிக்கு அளித்த பேட்டி ஒன்றில் இதற்குப் பதிலடி கொடுத்துள்ளார் கார்த்தி சிதம்பரம்.

புலம் பெயர்ந்த தொழிலாளர்கள்.. மோடி போட்ட “சேம் சைட் கோல்”.. தர்ம சங்கடத்தில் பாஜக..!

கார்த்தி சிதம்பரம் கூறுகையில், ஜெர்மனியில் சர்வாதிகாரி ஹிட்லர் ஆட்சிக்கு வந்தபோது 100 வருடம் நமது ஆட்சி நீடிக்கும். 100 வருடம் உலக நாடுகளை
ஜெர்மனி
ஆட்சி செய்யும் என்று முழங்கினார். ஆனால் கடைசியில் என்ன நடந்தது.. ஒரு பங்கரில் துணைக்குக் கூட யாரும் இல்லாத நிலையில் தன்னைத்தானே சுட்டுக் கொண்டு தற்கொலை செய்து கொண்டார் ஹிட்லர்.

135 வருடமாக உயிர்ப்போடு இருக்கும் கட்சி காங்கிரஸ். எனவே பிரதமர் நரேந்திர மோடி சொல்வதெல்லாம் நடக்கப் போவதில்லை. இன்னும்100 வருடம் மக்களோடு மக்களாக நாங்கள் இருப்போம்.

கொரோனா முதல் அலையின்போது காங்கிரஸ்தான் கொரோனோவைப் பரப்பியதாக பேசியிருக்கிறார் பிரதமர் மோடி. அவர்தான் ஆட்சியில் இருந்தார். அவர்தான் லாக் டவுன் போட்டார். அவர்தான் புலம் பெயர்ந்த தொழிலாளர்களை நடக்க விட்டார். அவர்களுக்கு காங்கிரஸ் உதவியது. இதைத் தவறு என்று சொல்வது அநீதியாகும். மேலும் 2020ம் ஆண்டு நடந்ததை இப்போது வந்து பேசுவது ஏன்..

குடியரசுத் தலைவர் உரை குறித்துத்தான் அவர் பதிலளித்திருக்க வேண்டும். ஆனால் ஏதோ பாஜக பொதுக்கூட்டத்தில் பேசுபவர் போல பேசியுள்ளார் பிரதமர் மோடி. அவரது இந்த 7 ஆண்டு கால ஆட்சியில் நடந்த சாதனைகளை அவர் சொல்லட்டும். அதை விட்டு விட்டு காங்கிரஸையும், காங்கிரஸ் தலைவர்களையும் குறை கூறிப் பேசுகிறார் பிரதமர்.

பாதிக்கப்பட்டவர்களுக்கு உதவக் கூடாதுன்னு சொல்கிறாரா பிரதமர்?.. பிரியங்கா கேள்வி

காங்கிரஸ் தலைவர்
ராகுல் காந்தி
தனது உரையின்போது ஒன்றியம் என்று அழுத்திப் பேசியிருக்கிறார். இதுதான் அவர்களைக் கவலை கொள்ள வைத்துள்ளது. அனைத்து மாநிலங்களும் எழுந்து நின்றால் இவரது ஆட்சிக்கு ஆபத்து என்ற பயத்தில் மோடி இப்படிப் பேசுகிறார். இவரது ஆட்சியில் மக்களுக்கு என்ன செய்தார்கள் என்று பேசட்டும். அதை விட்டு விட்டு காங்கிரஸ் தோத்துப் போச்சு, இனி காங்கிரஸ் ஆட்சிக்கு வராது என்றே பேசிக் கொண்டிருக்கிறார்கள் என்றார் கார்த்தி சிதம்பரம்.

ப.சிதம்பரம் அனல் பேச்சு

நேற்று ராஜ்யசபாவில் காங்கிரஸ் மூத்த தலைவரும், கார்த்தி சிதம்பரத்தின் தந்தையுமான ப.சிதம்பரம் பேசும்போது, NDA என்றால் no data available கூட்டணி என்று பொருள் என்று நக்கலாக பேசியிருந்தார். ஆக்சிஜன் பற்றாக்குறையால் எத்தனை பேர் இறந்தனர் என்ற டேட்டா இல்லை, கங்கையில் எத்தனை பிணங்கள் மிதந்தன் என்ற டேட்டா இல்லை.. விவசாயிகள்இப்படி எந்த டேட்டாவைக் கேட்டாலும் அது இல்லை என்பதே இந்த ஆட்சியின் பதிலாக உள்ளது என்றும் ப.சிதம்பரம் சாடியிருந்தார் என்பது நினைவிருக்கலாம்.

Leave a Comment

This site uses Akismet to reduce spam. Learn how your comment data is processed.