கார்த்திக் சுப்புராஜ்
இயக்கத்தில்
விக்ரம்
நடிக்கும் ‘
மகான்
‘ படத்தின் படப்பிடிப்பு அண்மையில் முழுவதுமாக நிறைவு பெற்றது. இந்தப்படத்தில் தனது மகன் துருவ் விக்ரமுடன் இணைந்து நடித்துள்ளார் விக்ரம். இந்நிலையில் ‘மகான்’ படம் அமேசான் ப்ரைம் தளத்தில் வெளியாகியுள்ளது.
கார்த்திக் சுப்புராஜ் இயக்கத்தில் தனது 60 வது படமான மகானில் முதன்முறையாக தனது மகன் துருவ்வுடம் இணைந்து நடித்துள்ளார் விக்ரம். 7 ஸ்கிரீன் ஸ்டூடியோ நிறுவனம் சார்பில் லலித்குமார் தயாரித்துள்ள இந்தப்படம் ஆக்ஷன் திரில்லர் கலந்த படமாக உருவாகியுள்ளதுது. இப்படத்தில் சிம்ரன், வாணி போஜன்,
பாபி சிம்ஹா
ஆகியோர் முக்கிய கதாபாத்திரத்தில் நடித்துள்ளனர். இந்தப்படம் நேற்று இரவு அமேசான் ப்ரைம் தளத்தில் வெளியாகியுள்ளது.
சுதந்திரப் போராட்ட குடும்பத்தில் பிறக்கும் விக்ரமுக்கு காந்திமகான் என பெயர் சூட்டுகிறார் அவருடைய அப்பா. காந்தி மகான் என்று பெயர் வைத்திருப்பதால் இப்படித்தான் வாழவேண்டும் அப்படித்தான் வாழனும் என பல்வேறு கட்டுப்பாடுகளோடு வாழச் சொல்லித் தருகிறார். இந்த கட்டுப்பாடுகளால் சுதந்திரம் இல்லாமல் வாழ்ந்து வருவதாக எண்ணுகிறார் விக்ரம்.
கண்ட நாயோட எதுக்கு வம்புன்னு நினைச்சேன்… பயில்வானை கிழித்து தொங்கவிட்ட கஸ்தூரி..!
ஒருகட்டத்தில் இவரும் இவருடைய நண்பர் பாபி சிம்ஹாவும் மது விற்பனை செய்ய தொடங்கி தமிழ்நாடு முழுக்க ஆதிக்கத்தை செலுத்தும் அளவிற்கு வளர்கின்றனர். காந்தி மகானுக்கு தனது மகனால் பிரச்சனை ஏற்படுகிறது. அதன்பின்னர் என்ன நடக்கிறது என்பது தான் படத்தின் திரைக்கதை. 1960, 1996, 2003 மற்றும் 2016 என நான்கு விதமான காலகட்டங்களில் நடக்கும் கதையாக மகான் படம் உருவாகியுள்ளது.
இந்தப்படத்தை பார்த்த ரசிகர்கள் வேற லெவலில் இருப்பதாக ட்விட்டரில் விமர்சனம் செய்து வருகின்றனர். விக்ரம் மற்றும் துருவ் இருவரும் போட்டி போட்டு கொண்டு நடித்துள்ளதாகவும், சமீபகாலமாக கெட்டப் மட்டும் மாற்றுகிறார் என்ற விமர்சனத்தை தவிடுபொடியாக்கும் அளவிற்கு விக்ரம் இந்தப்படத்தில் நடித்துள்ளதாகவும் இந்த இரண்டு காரணத்திற்காகவே ‘மகான்’ படத்தை பார்க்கலாம் என்று ரசிகர்கள் தெரிவித்து வருகின்றனர்.
வீரமே வாகை சூடும் – விஷால் யுவன் ரசிகர்கள் சொல்வதென்ன?