வாயைக் கொடுத்து சிக்கிக்கொண்ட குஷ்பு… ஹிஜாப் விவகாரம் குறித்து என்ன சொன்னார் தெரியுமா?

சென்னை மாநகராட்சி வார்டு எண் 110 -ல் பாஜக சார்பில் போட்டியிடும் ராஜசேகரை ஆதரித்து வள்ளுவர் கோட்டம் பகுதியில் நடிகையும், பாரதிய ஜனதா கட்சியின் தேசிய செயற்குழு உறுப்பினருமான
குஷ்பு
தீவிர வாக்கு சேகரிப்பில் ஈடுபட்டார்.

அப்போது, பொதுமக்களிடம் மத்திய அரசின் சாதனைகள் மற்றும் பிரதமர் மோடியின் செயல்பாடுகள் குறித்து எடுத்துரைத்து தீவிர வாக்கு சேகரிப்பில் ஈடுபட்டர். கடந்த சட்டமன்ற தேர்தலில் குஷ்பு போட்டிட்ட ஆயிரம் விளக்கு பகுதி என்பதால் வள்ளுவர் கோட்டம் பகுதியில் உள்ள பொதுமக்கள் குஷ்புவுக்கு உற்சாக வரவேற்பு அளித்தனர். தொடர்ந்து வீதி வீதியாக சென்று வாக்கு வேட்டையில் ஈடுபட்டார்.

எங்கள் கட்சி வேட்பாளரை கண்டு திமுக அஞ்சுகிறது – சீமான்

தொடர்ந்து செய்தியாளர்களை சந்தித்த குஷ்பு பேசியதாவது:-

“தேர்தலில் வெற்றி தோல்வி என்பது சகஜம். யாரை நம்பியும் தேர்தலில் போட்டியிடாமல் சொந்த பலத்தை நம்பி பாஜக போட்டியிடுகிறது. இந்த தேர்தலில் பாஜக அதிக இடங்களில் கைப்பற்றும் என்ற நம்பிக்கை உள்ளது எனக்கூறினார்.

தொடர்ந்து, கர்நாடக மாநிலத்தில் கல்வி நிலையங்களில் நிலவும்
ஹிஜாப் விவகாரம்
குறித்து செய்தியாளர்கள் கேள்வி எழுப்பினர். அதற்கு பதில் அளித்த குஷ்பு, பள்ளி வளாகத்தில் காவி, நீலம் உள்ளிட்ட எவ்வித அடையாளர்களும் இருக்கக்கூடாது எனவும், ஹிஜாப்(
பர்தா
) அணிவது பெண்களின் தனிப்பட்ட விருப்பம் என்ற போதிலும் கல்வி நிலையங்களில் வாசல் வரை மட்டுமே அதனை அணிய வேண்டும் என கூறினார்.

7 மாவட்ட மக்கள் குடையை ரெடியா வைங்க… வானிலை ஆய்வு மையம் எச்சரிக்கை!

குஷ்புவின் இந்த பேச்சு பெரும் சர்ச்சையை ஏற்படுத்தியுள்ளது. பெண்களின் உடை விவகாரத்தில் யாரும் தலையிடக்கூடாது என பிரியங்கா காந்தி, கனிமொழி, மலாலா உள்ளிட்ட பெண் தலைவர்கள் கருத்து தெரிவித்து வரும் நிலையில், இஸ்லாமிய சமூகத்தை சேர்ந்த குஷ்புவின் இந்த பேச்சு அதிர்ச்சியை ஏற்படுத்தியுள்ளதாக சமூக வலைதளங்களில் பலரும் கருத்து தெரிவித்து வருகின்றனர்.

Leave a Comment

This site uses Akismet to reduce spam. Learn how your comment data is processed.