தெலுங்கில் ஹீரோவாகும் அகிலன்
விஜய் டிவியின் டாப் சீரியலான பாரதி கண்ணம்மாவில் ஹீரோ பாரதியின் தம்பி அகில் என்ற கதாபாத்திரத்தில் நடித்து வந்தார் அகிலன். அகிலன், சீரியலில் நடித்துக் கொண்டே தனது சினிமா கனவையும் துரத்த ஆரம்பித்தார். அவரது முயற்சிக்கு வெற்றிக் கிடைக்கும் வகையில், விஷால், பிரபுதேவா என முன்னணி நட்சத்திரங்களின் படங்களில் நடிக்க வரிசையாக கமிட்டானார். இதனால் அவர் தொடரை விட்டு வெளியேறினார்.
இந்நிலையில் அவர் தெலுங்கு படத்தில் ஹீரோவாக நடிக்க கமிட்டாகியுள்ளார். இந்த தகவலை வெளியிட்டுள்ள அவர், தயாரிப்பாளர் ரவிசங்கர், டைரக்டர் பானுசங்கர், இசையமைப்பாளர் மணிசர்மா, ஒளிப்பதிவு ரமேஷ் ஆகியோர்களின் பெயர்களையும் குறிப்பிட்டுள்ளார். இதை அடுத்து ஹீரோவாக நடிக்க உள்ள நடிகர் அகிலனுக்கு ரசிகர்கள் வாழ்த்துகளை தெரிவித்து வருகின்றனர்.