அஜித் ரசிகர்களுக்கு கொண்டாட்டம் – 'வலிமை'க்கு கிடைத்த மகுடம்!

தமிழகத்தில், வரும் 16 ஆம் தேதி முதல், அனைத்து திரையரங்குகளிலும் 100 சதவீத பார்வையாளர்களுடன் செயல்பட அனுமதி அளிக்கப்பட்டு உள்ளது.

தமிழகத்தில் கொரோனா நிலவரம் மற்றும் புதிய தளர்வுகள் தொடர்பாக, சென்னை தலைமைச் செயலகத்தில், முதலமைச்சர் மு.க.ஸ்டாலின், சுகாதாரத் துறை அமைச்சர் மா.சுப்பிரமணியன், தலைமை செயலாளர் இறையன்பு, சுகாதாரத் துறை செயலாளர் டாக்டர் ராதாகிருஷ்ணன் உள்ளிட்டோருடன் இன்று ஆலோசனை நடத்தினார். இந்தக் கூட்டத்தில் கொரோனா பரவல் குறைந்து வருவதால் மேலும் பல தளர்வுகள் வழங்க மருத்துவ நிபுணர்கள் குழு பரிந்துரை செய்ததாகக் கூறப்படுகிறது.

இதன்படி, தமிழகத்தில் அமலில் உள்ள தளர்வுகளுடன் கூடிய ஊரடங்கை வரும் மார்ச் மாதம் 2 ஆம் தேதி வரை நீட்டித்து முதலமைச்சர் மு.க.ஸ்டாலின் உத்தரவு பிறப்பித்து உள்ளார். இதன் ஒரு பகுதியாக, தமிழகத்தில் வரும் 16 ஆம் தேதி முதல் நர்சரி, மழலையர் விளையாட்டு பள்ளிகள் திறக்க அனுமதி அளிக்கப்பட்டு உள்ளது. மேலும், திருமணம் மற்றும் திருமணம் சார்ந்த நிகழ்வுகள் அதிகபட்சம் 200 நபர்களுடன் மட்டும் நடத்த அனுமதி என பல்வேறு தளர்வுகள் அளிக்கப்பட்டு உள்ளன.

தமிழகத்தில் மார்ச் 2 வரை ஊரடங்கு – முதல்வர் ஸ்டாலின் உத்தரவு!

அந்த வகையில் துணிக் கடைகள், நகைக் கடைகள், கேளிக்கை விடுதிகள், உடற்பயிற்சி கூடங்கள் 100 சதவீத வாடிக்கையாளர்களுடன் செயல்பட அனுமதி அளிக்கப்பட்டு உள்ளது. அனைத்து உள் அரங்குகளில் கருத்தரங்கு, இசை, நாடக நிகழ்ச்சிகளுக்கு 100 சதவீத பார்வையாளர்கள் பங்கேற்க அனுமதி வழங்கப்பட்டு உள்ளது. இதே போல், வரும் 16 ஆம் தேதி முதல் 100 சதவீத பார்வையாளர்களுடன் திரையரங்குகளை திறக்க அனுமதி அளிக்கப்பட்டு உள்ளது. உணவகங்களிலும் 100 சதவீத வாடிக்கையாளர்களுக்கு அனுமதி வழங்கப்பட்டு உள்ளது.

நடிகர்
அஜித் குமார்
நடிப்பில் உருவாகி உள்ள
வலிமை
திரைப்படம் வரும் 24 ஆம் தேதி உலகம் முழுவதும் வெளியாகி உள்ளது. தற்போது 100 சதவீத பார்வையாளர்களுடன் திரையரங்குகளை திறக்க தமிழக அரசு அனுமதி வழங்கி உள்ளதால், நடிகர் அஜித் குமார் ரசிகர்கள் மிகவும் மகிழ்ச்சி அடைந்துள்ளனர்.

Leave a Comment

This site uses Akismet to reduce spam. Learn how your comment data is processed.