முன்னாள் துணைவேந்தர் சூரப்பாவுக்கு எதிரான வழக்கு: தமிழக அரசுக்கு ஐகோர்ட் சரமாரி கேள்வி!

அண்ணா பல்கலைக்கழக
முன்னாள் துணைவேந்தர் சூரப்பா
தனது பணி காலத்தில் முறைகேடுகளில் ஈடுபட்டதாக கூறி, அதுதொடர்பான குற்றச்சாட்டுகள் குறித்து விசாரணை நடத்த சென்னை உயர் நீதிமன்ற ஓய்வுபெற்ற நீதிபதி கலையரசன் தலைமையிலான குழுவை நியமித்து
தமிழக அரசு
உத்தரவிட்டது.

இந்த ஆணையத்தின் விசாரணையை எதிர்த்து சூரப்பா தாக்கல் செய்த வழக்கை விசாரித்த உயர் நீதிமன்றம், இந்த விசாரணை அறிக்கையின் அடிப்படையில் மேல் நடவடிக்கை எடுக்க தடை விதித்து கடந்த ஆண்டு பிப்ரவரி மாதம் உத்தரவிட்டிருந்தது.

இந்த வழக்கு நீதிபதி பார்த்திபன் முன்பு கடந்த முறை விசாரணைக்கு வந்தபோது, நீதிபதி கலையரசன் ஆணைய அறிக்கையை மூடி முத்திரையிடப்பட்ட உறையில் தமிழக அரசு தாக்கல் செய்தது. அப்போது, இந்த விசாரணை அறிக்கையின் நகலை சூரப்பாவுக்கு வழங்குவது குறித்து நீதிபதி கேள்வி எழுப்பி இருந்தார்.

தமிழக அரசு தரப்பில், விசாரணையின் அறிக்கையை பல்கலைகழக வேந்தரான ஆளுனருக்கு மட்டுமே அனுப்ப உள்ளதாகவும், அதை சூரப்பாவிற்கு தர இயலாது எனவும் தெரிவிக்கப்பட்டது. அரசின் அறிவுரைப்படி 3 மாதங்களில் ஆளுநர் முடிவெடுக்க வேண்டுமெனவும் தெரிவிக்கப்பட்டது.

தேர்தல் பிரசாரம் நீட்டிப்பு – மாநில தேர்தல் ஆணையம் உத்தரவு!

ஆனால், விசாரணை அறிக்கையை சூரப்பாவுக்கு வழங்க அரசு ஏன் தயங்குகிறது என கேள்வி எழுப்பிய நீதிபதி, வேந்தர் முடிவெடுப்பதற்கு முன்பாக வழங்கினால் தான் சம்பந்தப்பட்ட நபர் விளக்கமளிக்க வாய்ப்பளிக்க முடியும் என தெரிவித்தார்.

அப்போது அரசு தரப்பில் வேந்தர் என்ற அடிப்படையில் அவரது பணி சட்டப்பூர்வமான பணி என்றும், அரசியலமைப்புச் சட்ட பணி இல்லை என தெரிவிக்கப்பட்டது. அப்போது சூரப்பா தரப்பில் தனக்கு எதிரான விசாரணை ஆணையம் அமைக்கபட்டதே வேந்தரின் கவனத்திற்கு கொண்டு செல்லபடவில்லை என குற்றம் சாட்டப்பட்டது.

அனைத்து தரப்பு வாதங்களும் நிறைவடைந்திருந்த நிலையில், இந்த வழக்கில் தீர்ப்பை நீதிபதி பார்த்திபன் தேதி குறிப்பிடாமல் ஒத்திவைத்திருந்தார்.

இந்நிலையில், இந்த வழக்கில் இன்று தீர்ப்பளித்த நீதிபதி பார்த்திபன், எந்த ஒரு நியாயமான காரணத்தையும் கூறாமல், நீதிபதி கலையரசன் ஆணைய அறிக்கை நகலை மனுதரார்க்கு வழங்க மறுக்கும் அரசின் நிலைப்பாடு வினோதமாக உள்ளதாகக் கூறிய நீதிபதி, இரண்டு வாரங்களில் விசாரணை அறிக்கை நகலை அண்ணா பல்கலைக்கழக முன்னாள் துணை வேந்தர் சூரப்பாவுக்கு வழங்க வேண்டும் என்று தமிழக அரசுக்கு உத்தரவிட்டார்.

நாடா, மதமா எது முக்கியம்? -ஐகோர்ட் அதிரடி கேள்வி!

இயற்கை நீதிப்படி சம்பந்தப்பட்டவர் தரப்பு கருத்தை கேட்காமல் தண்டிக்கக்கூடாது என்றும், இந்த வழக்கை பொறுத்துவரை எந்த ஒரு நியாயமான காரணத்தையும் கூறமாலும், சட்டரீதியான தாக்கங்களை கருத்தில் கொள்ளாமலும் அறிக்கையை வழங்கவே முடியாது என்ற அரசின் நிலைப்பாடு வினோதமாக உள்ளதாகவும் நீதிபதி குறிப்பிட்டார்.

துறை ரீதியான நடவடிக்கைகளை பொறுத்தவரை அறிக்கை நகல்களை சம்பந்தபட்டவர்களுக்கு வழங்கும் அரசு, இந்த வழக்கில் வழங்க தயங்குவது ஏன் என தெரியவில்லை என்றும், பதவியிருந்து ஓய்வு பெற்ற பிறகு அவருக்கு எதிராக அரசு என்ன நடவடிக்கை எடுக்க முடியும் என்றும் அவர் கேள்வி எழுப்பினார்.

விசாரணை அறிக்கையில் கூறப்பட்ட குற்றச்சாட்டுகளுக்கு விளக்கம் அளிக்க சூரப்பாவுக்கு அவகாசம் வழங்க வேண்டும் என்று குறிப்பிட்டுள்ள நீதிபதி, 2 வாரங்களில் அதன் நகலை சூரப்பாவுக்கு வழங்க வேண்டும் என அரசுக்கு உத்தரவிட்டார். நகல் கிடைத்த 4 வாரங்களில், சூரப்பா, தனது விளக்கத்தை அரசுக்கு அளிக்க வேண்டும் என்றும் உத்தரவிட்டுள்ளார்.

சூரப்பாவிற்கு எதிராக நடவடிக்கை எடுக்க அரசு முடிவு செய்தால், அவரது ஆட்சேபங்களை பெற்ற பிறகுதான் நடவடிக்கை எடுக்க முடியும் என்று நீதிபதி தமது உத்தரவில் குறிப்பிட்டுள்ளார்.

Leave a Comment

This site uses Akismet to reduce spam. Learn how your comment data is processed.