குடும்ப தலைவிகளுக்கு மாதம் ரூ.1,000 – முதல்வர் ஸ்டாலின் சூப்பர் அறிவிப்பு!

தேர்தலில் அளித்த வாக்குறுதியின் படி மகளிருக்கு உரிமைத் தொகையாக மாதம் 1,000 ரூபாய் விரைவில் வழங்கப்படும் என தமிழக முதலமைச்சர் மு.க.ஸ்டாலின் அறிவித்து உள்ளார்.

கடந்த 2021 ஆம் ஆண்டு ஏப்ரல் மாதம் நடந்து முடிந்த தமிழக சட்டப்பேரவைத் தேர்தலில், திமுக தலைவர் மு.க.ஸ்டாலின் தலைமையிலான கூட்டணி அபார வெற்றி பெற்றது. இதில், திமுக தேர்தல் அறிக்கையில், திமுக ஆட்சிக்கு வந்தவுடன், அனைத்து குடும்பத் தலைவிகளுக்கும் மாதம் 1,000 ரூபாய் வழங்கப்படும் என அறிவித்திருந்தார். இது போன்ற பல்வேறு அறிவிப்புகளை அவர் வெளியிட்டார். சட்டப்பேரவைத் தேர்தலில் தனிப் பெரும்பான்மையுடன் திமுக வெற்றி பெற்றது. இதை அடுத்து தமிழக முதலமைச்சராக கடந்த மே மாதம் 7 ஆம் தேதி திமுக தலைவர் மு.க.ஸ்டாலின் பதவி ஏற்றார்.

திமுக ஆட்சிக்கு வந்து கிட்டத்தட்ட 10 மாதங்கள் ஆன நிலையில், குடும்பத் தலைவிகளுக்கு மாதம் 1,000 ரூபாய் வழங்கும் திட்டம் இதுவரை தொடங்கவில்லை. இதை அதிமுக – பாஜக உள்ளிட்ட கட்சிகள் கடுமையாக விமர்சித்து வருகின்றன. இது, நகர்ப்புற உள்ளாட்சித் தேர்தலிலும் எதிரொலித்தது. ஆட்சிக்கு வருவதற்கு முன்பு ஒரு பேச்சு, ஆட்சிக்கு வந்தவுடன் ஒரு பேச்சு பேசுவதையே மு.க.ஸ்டாலின் வாடிக்கையாக கொண்டுள்ளதாக அதிமுக கடுமையாக விமர்சித்து வருகிறது.

‘ஸ்டாலினிடம் கேட்க திருமாவுக்கு தைரியம் இருக்கா?’ – எல்.முருகன் ஆவேசம்!

இந்நிலையில், தேர்தலில் அளித்த வாக்குறுதியின் படி மகளிருக்கு உரிமைத் தொகையாக மாதம் ஆயிரம் ரூபாய் விரைவில் வழங்கப்படும் என முதலமைச்சர் மு.க.ஸ்டாலின் அறிவித்துள்ளார். நகர்ப்புற உள்ளாட்சித் தேர்தலில், திண்டுக்கல் மாவட்டத்தில் போட்டியிடும் திமுக மற்றும் கூட்டணிக் கட்சி வேட்பாளர்களை ஆதரித்து முதலமைச்சர் மு.க.ஸ்டாலின், காணொலி வாயிலாக பிரசாரம் மேற்கொண்டார்.

அப்போது உரையாற்றிய அவர், வாக்குறுதிகள் அனைத்தும் உறுதியாக நிறைவேற்றப்படும் என்றும் அதில் யாருக்கும் சந்தேகம் வேண்டாம் என்றும் தெரிவித்தார். மேலும், திமுக வெற்றி பெற்று விடும் என்பதால் தான் உள்ளாட்சித் தேர்தலை அதிமுக ஆட்சியில் இருந்த போது நடத்தவில்லை என்றும் முதலமைச்சர் மு.க.ஸ்டாலின் குறிப்பிட்டார்.

Leave a Comment

This site uses Akismet to reduce spam. Learn how your comment data is processed.