விஜயகாந்துக்கு வந்த திடீர் சிக்கல்; கவலையில் தேமுதிக தொண்டர்கள்!

தமிழ் சினிமாவில் அபார ஸ்டைலால் ரஜினியும், ஜனரஞ்சக நடிப்பால் கமலும் ரசிகர்களை கட்டிப்போட்ட, அதே காலக்கட்டத்தில் தனது இயல்பான பேச்சாலும், நடிப்பாலும், சமூக கருத்தாலும் அவர்களுக்கு நிகராக ஆதரவு பெற்று தனி முத்திரை பதித்தவர்
விஜயகாந்த்
.

தலைக்கேறிய போதை; பேப்பரை உண்ணும் குடிமகன்!

வெளிப்படையான பேச்சு, வெள்ளந்தி மனிதர், உதவும் குணம் கொண்டவர் என்று பல்வேறு அடையாளம் விஜயகாந்துக்கு இப்போதும் உண்டு. சினிமா நடிகர்கள் வளர்ச்சிக்காக அரும்பாடுபட்டவர் விஜயகாந்த் என்று கோடம்பாக்கத்தில் எப்போதும் பேசுவது வழக்கம்.

வசமாக மாட்டிய முதல்வர் ஸ்டாலின்; பகீர் தகவல் கூறும் ஓ.பன்னீர்செல்வம்!

இதன் காரணமாக கடந்த 2001ம் ஆண்டு நடந்த உள்ளாட்சி தேர்தலில் விஜயகாந்த் ரசிகர் மன்ற நிர்வாகிகள் சுயேச்சையாக போட்டியிட்டு கணிசமான வெற்றி பெற்றிருந்தனர்.

இதை நன்கு கவனித்த திமுக தனக்கு ஆதரவு அளிக்குமாறு விஜயகாந்த்திடம் கோரியது. ஆனால் விஜயகாந்த் மறுப்பு தெரிவித்தார். இதனை சற்றும் எதிர்பாராத திமுக தலைமை விஜய்காந்த்தை

பழிவாங்க முடிவெடுத்தது.

அந்த நேரத்தில் சென்னை கோயம்பேடு மேம்பாலம் கட்டும் திட்டம் தமிழக அரசு சார்பில் தொடங்கப்பட்டது. இதை தனக்கு கிடைத்த பெரும் வாய்ப்பாக திமுக பயன்படுத்திக்கொண்டது.

இதையடுத்து வேண்டும் என்றே விஜயகாந்த்துக்கு சொந்தமான திருமண மண்டபத்தில் உரசிச் செல்லும் வகையில் மேம்பால வரைபடம் தயாரிக்கப்பட்டதாக அப்போது குற்றச்சாட்டு எழுந்தது.

தேர்தல் திடீரென தள்ளி வைப்பு; தேர்தல் ஆணையம் அதிரடி!

இதன் தொடர்ச்சியாக, தனது பெற்றோர் நினைவாக விஜயகாந்த் சென்னை கோயம்பேட்டில் கட்டி உள்ள ஆண்டாள் அழகர் திருமண மண்டபத்தின் ஒரு பகுதி இடிக்கப்பட்டது.

இதனால் மிகுந்த மன உளைச்சலுக்கு ஆளான விஜயகாந்த், எந்த திமுக மண்டபத்தை இடித்ததோ அந்த திமுகவுடன் மோத தயாரானார். இதன் பலனாக தேசிய முற்போக்கு திராவிடர் கழகம் உருவானது.

தேமுதிகவுக்கு தமிழக மக்களிடையே ஏற்பட்ட எழுச்சி காரணமாக அடுத்து வந்த சட்ட மன்ற தேர்தலில், திமுகவை 3வது இடத்துக்கு தள்ளி ‘தமிழக சட்ட மன்ற எதிர்க்கட்சி தலைவர்’ எனும் மிகப்பெரிய பதவியில் விஜயகாந்த் அமர்ந்தார்.

இந்நிலையில் யார் கண் பட்டதோ? அடுத்த சில காலத்தில் விஜயகாந்த் உடல் நலனில் தொய்வு ஏற்பட, கட்சியும் சரிவை சந்தித்தது. இதனால் மூழ்கும் கப்பலில் பயணிக்க விரும்பவில்லை எனக்கூறி பல்லாண்டு கால நண்பர்களே துரோகம் இழைத்து மாற்று கட்சிகளில் ஐக்கியம் ஆகினர்.

கொளுத்தி போட்ட ஓ.பன்னீர்செல்வம்; கொழுந்துவிட்டு எரிகிறது..பிரச்சனை!

இதுவும் விஜய்காந்தை பாதித்ததால் மனதளவிலும், உடல் ரீதியாகவும் பலவீனம் ஆனார். இதனால் கட்சிக்குள் பிரேமலதா வந்தார். கூடவே தனது தம்பி சுதீஷை அழைத்து வந்தார். இருவரும் கட்சியின் மிக பெரிய தூண்களாக மாறி தேமுதிகவை தாங்கினர்.

ஆனால் விஜயகாந்த்துக்கு கிடைத்தது போன்ற பெரிய வரவேற்பு இவர்களுக்கு கிடைக்கவில்லை. இதனால் தேமுதிக தொண்டர்களை ஈர்க்க தனது மூத்த மகன் விஜயபிரபாகரனை கட்சிக்குள் கொண்டு வந்தார் பிரேமலதா.

அவரும் வந்த வேகத்திலேயே கருணாநிதி, ஜெயலலிதா ஆகியோரை விமர்சித்து அரசியலை தெறிக்க விட்டார். ஆனாலும் அரசியலில் போதிய வயது, பக்குவம் இல்லாததால் சற்று தடுமாற்றத்துக்கு உள்ளாகிப் போனார்.

இதனால் தேமுதிகவை மீண்டும் கட்டி எழுப்புவதில் சிக்கல் ஏற்பட்டுள்ளது. இதற்கிடையே பொருளாதார ரீதியாக நெருக்கடிக்கு தேமுதிக வந்து உள்ளதாகவும் கூறப்படுகிறது.

கூலாக சொன்ன வேட்பாளர்; மிரண்டுபோன தேர்தல் அதிகாரிகள்!

இந்த சூழலில் தான் விஜய பிரபாகரனுக்கும், மைத்துனர் சுதீஷுக்கும் இடையே கருத்து மோதல் ஏற்பட்டு இருப்பதாக கட்சியின் முக்கிய நிர்வாகிகளே காதை கடிக்கின்றனர்.

அதாவது முக்கிய சில சொத்துகள் சுதீஷின் கையில் உள்ளதாகவும், அதில் சிலவற்றை விற்று செலவு செய்தால் தேமுதிகவை மீண்டும் பலப்படுத்த முடியும் என விஜயபிரபாகரன் நம்புகிறார்.

இதில் சுதீஷுக்கு உடன்பாடு இல்லை என்று கூறப்படுகிறது. இதன் காரணமாக மாமனும், மச்சானும் மல்லுக்கட்டிக்கொண்டு இருப்பதாக கட்சி வட்டாரத்தினர் வேதனைப்படுகின்றனர்.

கண்முன்பு நடக்கும் இதையெல்லாம் பார்த்து விஜயகாந்த், பிரேமலதா விஜயகாந்த் ஆகியோர் அதிர்ச்சி அடைந்துள்ளதாகவும், இந்த விவகாரத்தில் யாருக்கு ஆதரவு தெரிவிப்பது? யாரை அமைதிப்படுத்துவது? என புரியாமல் குழம்பி தவிப்பதாகவும் தகவல் வெளியாகி உள்ளது. இதனால் தொண்டர்கள் கவலை அடைந்து உள்ளனர்.

Leave a Comment

This site uses Akismet to reduce spam. Learn how your comment data is processed.