நம்ப முடியாத உண்மை கதை : ரேவதிக்கு கஜோல் பாராட்டு

நடிகை ரேவதி படம் இயக்குவதிலும் சாதனை படைத்தவர். 2002ம் ஆண்டு அவர் இயக்கிய மித்ரு மை பிரண்ட் படம் தேசிய விருது பெற்றது. அதன்பிறகு பிஹிர் மிலேன்ஜ், கேரளா கபே, மும்பை கட்டிங் படங்களை இயக்கினார். தற்போது அவர் இயக்கும் படம் சலாம் வெங்கி. இப்படத்தில் கஜோல் நாயகியாக நடிக்கிறார். இதன் படப்பிடிப்பு நேற்று மும்பையில் தொடங்கியது.

இதுகுறித்து கஜோல் தனது சமூக வலைத்தள பக்கத்தில் எழுதியிருப்பதாவது: சொல்லப்பட வேண்டிய ஒரு கதை, தேர்வு செய்யப்படவேண்டிய ஒரு பாதை, கொண்டாடப்பட வேண்டிய ஒரு வாழ்க்கை ஆகியவற்றுக்கான ஒரு பயணத்தை நாங்கள் தொடங்குகிறோம். நம்ப இயலாத இந்த உண்மைக் கதையை உங்களிடம் பகிர்ந்துகொள்ள நாங்கள் மிகவும் ஆவலாக இருக்கிறோம். என்று தெரிவித்துள்ளார்.

Leave a Comment

This site uses Akismet to reduce spam. Learn how your comment data is processed.