சென்னை புறநகர் ரயில் பயணிகளுக்கு குட் நியூஸ்!

சென்னை புறநகர் ரயில்களில் நாள்தோறும் பல்லாயிரக்கணக்கானோர் பயணம் செய்து வருகின்றனர். சென்னை சென்ரல் – அரக்கோணம், சென்னை சென்ட்ரல் – கும்மிடிப்பூண்டி, சென்னை கடற்கரை – வேளச்சேரி, சென்னை கடற்கரை – செங்கல்பட்டு வழித்தடங்களில் நாள்தோறும் 658 சேவைகள் இயக்கப்படுவது வழக்கம்.

ஹிஜாப் விவகாரம்; குஷ்பு வாயில் சனி!

கொரோனா பரவல் காரணமாக கடந்த 2020 மார்ச் மாதம் முதல் புறநகர் ரயில் சேவை முற்றிலுமாக நிறுத்தப்பட்டது. பின்னர் கொரோனா தொற்று பரவல் குறைந்ததால் செப்டம்பர் மாதம் முதல் கட்டுப்பாடுகளுடன் குறைந்த அளவிலான ரயில்கள் இயக்கப்பட்டன. அலுவலக நேரத்தில் பயணிகளுக்கு கடும் கட்டுப்பாடு, முகக்கவசம் அணிவது, இரண்டு டோஸ் தடுப்பூசி உள்ளிட்ட ஏராளமான கட்டுப்பாடுகள் விதிக்கப்பட்டன.

கொரோனா மூன்றாவது அலை பரவல் காரணமாக விதிக்கப்பட்ட கட்டுப்பாடுகள் கொஞ்சம் கொஞ்சமாக தளர்த்தப்பட்டு வரும் நிலையில், சென்னையில் மின்சார ரயில் சேவை எண்ணிக்கையை பழைய நிலைக்கு திரும்ப கொண்டுவந்துள்ளதாகவும், நாளை முதல் இந்த புதிய அறிவிப்பு அமலுக்கு வரும் எனவும் தெற்கு ரயில்வே அறிவித்துள்ளது.

Leave a Comment

This site uses Akismet to reduce spam. Learn how your comment data is processed.