திமுகவுக்கு அடுத்த நெருக்கடி – சாட்டையை சுழற்றும் ஆளுநர் ஆர்.என்.ரவி?

திமுக எம்எல்ஏ உதயநிதி குறித்து ஆளுநர் ஆர்.என்.ரவியிடம் அதிமுகவினர் புகார் அளித்துள்ளனர்.

தமிழகத்தில், சென்னை, கோவை, சேலம் உட்பட 21 மாநகராட்சிகளுக்கு வரும் 19 ஆம் தேதி ஒரே கட்டமாக நகர்ப்புற உள்ளாட்சித் தேர்தல் நடைபெற உள்ளது. இத்தேர்தலில் பதிவாகும் வாக்குகள், வரும் 22 ஆம் தேதி எண்ணப்பட்டு முடிவுகள் அறிவிக்கப்பட உள்ளன.

நகர்ப்புற உள்ளாட்சித் தேர்தலை முன்னிட்டு தமிழகத்தில் தேர்தல் பிரசாரம் களை கட்டி உள்ளது. இத்தேர்தலை,
அதிமுக
– பாமக – பாஜக உள்ளிட்ட கட்சிகள் தனித்தனியாக சந்திக்கின்றன. விசிக, கம்யூனிஸ்ட் கட்சிகள் உள்ளிட்ட கட்சிகளோடு கூட்டணி வைத்து திமுக தேர்தலை எதிர்கொள்கிறது. ஆளுங்கட்சியான திமுகவுக்கே, தேர்தலில் வெற்றி வாய்ப்பு பிரகாசமாக இருப்பதாக தகவல்கள் தெரிவிக்கின்றன.

இதற்கிடையே, திமுகவிற்கு ஆதரவாக தேர்தல் ஆணைய நிர்வாகிகள் செயல்படுவதாக அதிமுக புகார் தெரிவித்து வருகிறது. இந்நிலையில் நேற்று, ஆளுநர் ஆர்.என்.ரவியை சந்தித்து அதிமுகவினர் புகார் அளித்தனர். அப்போது, குறிப்பாக திமுக எம்எல்ஏ உதயநிதி ஸ்டாலினுக்கு எதிராக அதிமுகவினர் புகார் அளித்தனர். அதிமுக முன்னாள் அமைச்சர்கள் ஜெயக்குமார், சி.வி.சண்முகம் மற்றும் பெஞ்சமின் ஆகியோர் ஆளுநர் ஆர்.என்.ரவியை சந்தித்தனர்.

குடும்ப தலைவிகளுக்கு மாதம் ரூ.1,000 – முதல்வர் ஸ்டாலின் சூப்பர் அறிவிப்பு!

அதில்,
உதயநிதி ஸ்டாலின்
தொடர்ந்து வேனில் பேரணி நடத்துகிறார். திறந்த வேனில் பேரணி நடத்துகிறார். தேர்தல் ஆணையம் இப்படி பேரணி நடத்த தடை விதித்து இருந்தது. ஆனால் அதை மீறி 3 நாட்களாக உதயநிதி ஸ்டாலின் வேனில் பேரணி நடத்தி வருகிறார். இது விதிமீறல். தேர்தல் ஆணையம் இதை தட்டிக் கேட்காமல் திமுகவிற்கு துணை போகிறது என்று அதிமுக முன்னாள் அமைச்சர்கள், ஆளுநர் ஆர்.என்.ரவியிடம் புகார் அளித்துள்ளனர். மேலும் இது குறித்த வீடியோ ஆதாரங்களையும் ஆளுநர் ஆர்.என்.ரவியிடம் அவர்கள் சமர்ப்பித்து உள்ளனர். இதன் அடிப்படையில் தமிழக ஆளுநர்
ஆர்.என்.ரவி
நடவடிக்கை எடுக்க வாய்ப்பு உள்ளதாக தகவல்கள் தெரிவிக்கின்றன.

Leave a Comment

This site uses Akismet to reduce spam. Learn how your comment data is processed.