பிடிஆர் கொடுக்கும் ஷாக்: ஓகே சொன்ன ஸ்டாலின்

மார்ச் மாதம் தாக்கல் செய்ய உள்ள தமிழக அரசு பட்ஜெட்டில் என்னென்ன சிறப்பம்சங்கள் இருக்கும் என்ற எதிர்பார்ப்பு மக்களிடையே அதிகரித்து வருகிறது.

சட்டமன்றத் தேர்தலில் வெற்றி பெற்று திமுக ஆட்சியமைத்து பத்து மாதங்களாகிறது. முதலமைச்சராக
மு.க.ஸ்டாலின்
முதன்முறையாக பொறுப்பேற்றுள்ளார். இந்த பத்து மாத காலத்தில் அரசு மீது பெரியளவிலான எந்த விமர்சனமும் எழாதபோதும் முக்கியமான தேர்தல் வாக்குறுதிகள் நிறைவேற்றப்படவில்லை என்ற அதிருப்தி மக்களிடையே நிலவி வருகிறது.

குடும்பத் தலைவிகளுக்கு மாதம் 1000 ரூபாய் உரிமைத் தொகை உள்ளிட்ட முக்கிய வாக்குறுதிகள் இன்னும் நிறைவேற்றப்படவில்லை. முந்தைய அதிமுக அரசு கஜானாவை துடைத்துவிட்டு சென்றுவிட்டதாக குற்றச்சாட்டுகள் ஒரு பக்கம் முன்வைக்கப்படுகின்றன. விரைவில் நிதி நிலைமை சீரான பின்னர் வாக்குறுதிகள் அனைத்தும் நிறைவேற்றப்படும் என தமிழக அரசு சார்பில் தெரிவிக்கப்பட்டு வருகிறது.

முனீஸ்வர்நாத் பண்டாரி பதவியேற்பு: பதவி பிரமாணம் செய்து வைத்த ஆர்.என்.ரவி

எப்போது நிதி நிலைமை சீராகும் என்ற கேள்விக்கு தான் இன்னும் விடை தெரியவில்லை என்கிறார்கள் கோட்டை வட்டாரத்தினர். இந்த சூழலில் பிப்ரவரி இறுதியிலோ, மார்ச் தொடக்கத்திலோ தாக்கல் செய்யப்படும் பட்ஜெட்டில் என்னென்ன சிறப்பம்சங்கள் இருக்கும், சலுகைகள் இருக்குமா என்று விசாரித்தோம்.

திமுக ஐடி விங் பொறுப்பை ராஜினாமா செய்த நிதி அமைச்சர் பிடிஆர்
பழனிவேல் தியாகராஜன்
தற்போது பட்ஜெட் தயாரிப்பில் தீவிர கவனம் செலுத்தி வருகிறார். நிதி நிலைமையை சரி செய்ய வேண்டும் என்பதற்காக இந்த முறை வரி விதிப்பு சற்று அதிகமாக இருக்கும் என்கிறார்கள். மாநில வரி வருவாயை பெருக்கும் நோக்கில் பட்ஜெட் தயாரிக்கப்படுவதாக கூறுகிறார்கள். குறிப்பாக வணிக வரித்துறையில் அதிக வரி விதிப்புகள் இருக்கும் என்கிறார்கள்.

மேலும் வரி வருவாய் சரியாக கஜானாவை சென்று சேரும் வகையில் அனைத்து துறைகளிலும் வரி வசூலை டிஜிட்டல் மயமாக்கும் முயற்சிகள் நடைபெற்று வருகிறதாம்.

எந்தெந்த பகுதிகளில் மழை பெய்யும்? வானிலை ஆய்வு மையம் அறிவிப்பு!

இதற்காகவே நிதியமைச்சர் பிடிஆர் பழனிவேல் தியாகராஜன் முதல்வர் மு.க.ஸ்டாலினை சந்தித்து முக்கிய தகவல் ஒன்றை கூறியுள்ளார். ‘நகர்ப்புற உள்ளாட்சித் தேர்தலை பட்ஜெட் தாக்கல் செய்வதற்கு முன்பு வைத்துவிடுங்கள்’ என்று கூறியதாக சொல்கிறார்கள்.

எனவே தமிழக பட்ஜெட்டில் சர்ப்ரைஸை விட ஷாக் ட்ரீட்மெண்ட் தான் அதிகம் இருக்கும் என அடித்துச் சொல்கிறார்கள் கோட்டை வட்டாரத்தினர்.

Leave a Comment

This site uses Akismet to reduce spam. Learn how your comment data is processed.