மீனவர்களை போல எங்களுக்கும் வேண்டும்… விவசாயிகளின் கோரிக்கையை நிராகரித்த கோர்ட்!

திருநெல்வேலி மாவட்டம், பாளையங்கோட்டையைச் சேர்ந்த அய்யா என்பவர் தாக்கல் செய்த மனுவில், ‘தமிழக அரசு 2021 -22ம் ஆண்டு வெளியிட்ட வேளாண் துறை கொள்கை குறிப்பில் விவசாயத்துக்கு இயந்திரங்களை பயன்படுத்த அறிவுறுத்தியுள்ளதாக சுட்டிக்காட்டியுள்ளார்.

இயந்திரங்களுக்கு பயன்படுத்தும் டீசல், பெட்ரோல் போன்ற எரிபொருட்களின் விலை தற்போது லிட்டருக்கு நூறு ரூபாய் அளவில் உள்ளதாகவும், ஏற்கெனவே உற்பத்திச் செலவு அதிகரிப்பு, குறைந்த விலைக்கு விளைபொருட்கள் கொள்முதல் ஆகிய காரணங்களால் பாதிக்கப்பட்டுள்ள விவசாயிகளுக்கு எரிபொருள் விலை உயர்வு கூடுதல் சுமையாக உள்ளதாக கூறியுள்ளார்.

பெட்ரோல், டீசல் விலையை மத்திய அரசு நிர்ணயித்தபோதும், அதன் மீது வாட் எனப்படும் மதிப்பு கூட்டப்பட்ட வரி மற்றும் உள்ளூர் செஸ் வரிகளை மாநில அரசு விதிப்பதாக சுட்டிக்காட்டிய மனுதாரர், பீஹார் மாநிலத்தில் விவசாயிகளுக்கு மானிய விலையில் ஒரு லிட்டர் டீசல் 50 ரூபாய்க்கு வழங்கப்படுவதாகவும், கர்நாடகா மாநிலத்தில் மானியம் வழங்க முடிவு செய்துள்ளதாகவும் குறிப்பிட்டுள்ளார்.

டாஸ்மாக் கடைகளுக்கு எதிர்ப்பா? தமிழ்நாடு அரசு விளக்கம்!

தமிழகத்தில் மீனவர்களுக்கு மானிய விலையில் டீசல் வழங்குவதைப் போல, விவசாயிகளுக்கும் மானிய விலையில் பெட்ரோல், டீசல், மண்ணெண்ணெய் வழங்க கோரி மத்திய – மாநில அரசுகளுக்கு அனுப்பிய விண்ணப்பத்தை பரிசீலிக்க உத்தரவிட வேண்டும் என மனுவில் கோரியுள்ளார்.

இந்த வழக்கை விசாரித்த தலைமை நீதிபதி முனீஷ்வர்நாத் பண்டாரி மற்றும் நீதிபதி பரத சக்கரவர்த்தி அமர்வு, ‘ஏற்கெனவே விவசாயிகளுக்கு மண்ணெண்ணெய் உள்ளிட்ட பல பொருட்களை அரசு மானிய விலையில் வழங்கி வருவதாகவும், பெட்ரோல் – டீசலை மானிய விலையில் வழங்குவது என்பது அரசின் கொள்கை முடிவு என்றும், இதுசம்பந்தமாக அரசு தான் முடிவெடுக்க வேண்டும் என்பதால் எந்த உத்தரவும் பிறப்பிக்க முடியாது’ எனக் கூறி, வழக்கை தள்ளுபடி செய்து உத்தரவிட்டனர்.

Leave a Comment

This site uses Akismet to reduce spam. Learn how your comment data is processed.