ஆப்பிள் தனது பட்ஜெட் ஐபோனை விரைவில் வெளியிடும் என தகவல் வெளியாகியுள்ளது. ஐபோன் எஸ்இ 3 என்று பெயரிடப்பட்டுள்ள 5ஜி (
iPhone SE 3 5G
) ஸ்மார்ட்போனை ஆப்பிள் அறிமுகப்படுத்துகிறது. ஐபோன் விரும்பிகளிடத்தில் பெரும் எதிர்பார்ப்பை இது கிளப்பி உள்ளது. கடந்த ஆண்டு ஏப்ரல் மாதத்தில் ஆப்பிள் நிகழ்வு இருந்தது. ஆனால், இந்தாண்டு மார்ட் 8 ஆம் தேதி நடைபெறும் ‘Apple March Event’ நிகழ்வில் வைத்து இந்த ஸ்மார்ட்போன் உலகளவில் அறிமுகம் செய்யப்படுகிறது.
தற்போது இந்த ஐபோன் எஸ்இ 3 மொபைல் குறித்த தகவல்கள் வெளியாகி இருக்கிறது. அதன் விலை, வடிவமைப்பு, அம்சங்கள், விவரக்குறிப்புகள் என அனைத்தும் கசிந்துள்ளது. அதன்படி புதிய பட்ஜெட் ஐபோன் ஆப்பிள் நிறுவனத்தில் பிரத்யேக ஏ15 பயோனிக் (A15 Bionic) சிப்செட் உடன் வெளியாகலாம் என எதிர்பார்க்கப்படுகிறது.
இப்படி தான் Apple Foladable iPhone இருக்குமாம்! கூடவே ஆப்பிள் உருவாக்கும் realityOS
ஐபோன் எஸ்இ 3 சிறப்பம்சங்கள் (iPhone se 3 leaks)
ஐபோன் எஸ்இ 3 அம்சங்களை பொருத்தவரை, இந்த ஸ்மார்ட்போன் 5ஜி ஆதரவுடன் வெளியாகும் எனத் தெரியவந்துள்ளது. மேலும், 4.7″ அங்குல அளவிலான முழு அளவு எச்டி+ சூப்பர் எல்சிடி திரையைக் கொண்டிருக்கும் என்று கூறப்படுகிறது. இந்த ஸ்மார்ட்போன் முன்னதாக வெளியான ஐபோன் 10 (iPhone X) மாடலை ஒத்திருக்கும் என்று எதிர்பார்க்கப்படுகிறது. பட்ஜெட் ஐபோனில் ஆப்பிள் நிறுவனத்தின் பிரத்யேக ஏ15 பயோனிக் சிப்செட் பயன்படுத்தியிருக்க அதிக வாய்ப்புள்ளது.
இதே நிகழ்வில் வெளியிடப்படும் மேக்புக் ஏர் ஆப்பிளின் புதிய M1 சிப்செட் கொண்டு வெளியாகும் என தெரிவிக்கப்பட்டுள்ளது. இந்த ஸ்மார்ட்போனுக்கு 3ஜிபி ரேம் மெமரி வழங்கப்படலாம்.
ஐபோன் எஸ்இ 3 5ஜி
கேமராவைப் பொருத்தவரை பின்பக்கம் 12 மெகாபிக்சல் ஆட்டோ போக்கஸ் கேமராவும், செல்பி மற்றும் வீடியோ அழைப்புகளுக்காக 12 மெகாபிக்சல் கேமரா முன்பக்கத்தில் இருக்கும் எனவும் தெரிவிக்கப்பட்டுள்ளது. 3000mAh திறன் கொண்ட பேட்டரி மூலம் இந்த ஆப்பிள் போன் சக்தியூட்டப்பட்டிருக்கும் என்று நம்பப்படுகிறது.
இது போனா… இல்ல சினிமா கேமராவா… 40MP செல்பி, 2 டெலிபோட்டோ லென்ஸுடன் வெளியான சாம்சங் கேலக்ஸி எஸ்22 அல்ட்ரா!
ஐபோன் எஸ்இ 3 இந்திய விலை (iPhone SE 3 price in India)
ஐபோன் எஸ்இ 3 விலை சுமார் ரூ.23,000 ஆக இருக்கலாம் என்று தகவல்கள் கசிந்தது. இருப்பினும், இவ்வளவு குறைந்த விலையில் ஆப்பிள் தனது போனை வெளியிடாது என்று கருதப்படுகிறது. அதை வைத்து பார்க்கும்போது, ஐபோன் எஸ்இ 3 இந்தியாவில் ரூ.39,999க்கு அறிமுகமாகலாம் என்ற எதிர்பார்ப்புகள் நிலவுகிறது. முந்தைய ஐபோன் எஸ்இ 2020 இந்தியாவில் ரூ.39,900 என்ற விலையில் அறிமுக செய்யப்பட்டது என்பது குறிப்பிடத்தக்கது.
ஐபோன் எஸ்இ 3 வெளியீட்டு தேதி (iPhone se 3 release date)
ஆப்பிள் நிறுவனத்தின் புதிய தயாரிப்புகள் வெளியாகும் தேதி குறித்து நிறுவனம் இதுவரை எந்த தகவலும் வெளியிடவில்லை. எனினும், ஆப்பிள் ஐபோன் எஸ்இ 3, ஐபோட் ஏர் போன்ற தகவல் சாதனங்கள் மார்ச் 8 நிகழ்வில் வெளியாகும் என டெக் வல்லுநர்கள் உறுதியாக நம்புகின்றனர். கடந்த 2020ஆம் ஆண்டு, ஆப்பிளின் வசந்த கால நிகழ்வு ஏப்ரல் மாதத்தில் நடத்தப்பட்டது என்பது நினைவுக்கூரத்தக்கது.
முகக்கவசத்தை தொட வேண்டாம்; எல்லாம் எங்க கேமரா பாத்துக்கும் – ஆப்பிளின் புதிய அப்டேட்!