போனி கபூர்
தயாரிப்பில்
எச் வினோத்
இயக்கத்தில் ‘வலிமை’ படத்தில் நடித்துள்ளார் அஜித். இந்தப்படத்தின் வெளியீட்டிற்காக வெறித்தனமாக காத்து கொண்டிருக்கின்றனர் ரசிகர்கள். இதனை தொடர்ந்து மூன்றாவது முறையாக அஜித் 61 படத்தில் இந்தக்கூட்டணி இணைய உள்ளனர்.
நீண்ட காலமாக தயாரிப்பில் இருக்கும் ‘வலிமை’ படத்தில் அஜித்திற்கு ஜோடியாக பாலிவுட் நடிகை ஹூமா குரேஷி நடித்துள்ளார். போனி கபூர் தயாரித்துள்ள இந்த படத்திற்கு யுவன்சங்கர் ராஜா இசையமைத்துள்ளார். அண்மையில் ‘வலிமை’ படத்தின் மோஷன் போஸ்டர், பர்ஸ்ட் லுக் உள்ளிட்டவை வெளியாகி ரசிகர்களிடம் பெரும் வரவேற்பை பெற்றது. அஜித்தின் லுக் இளமையாக இருப்பதாக பலரும் மோஷன் போஸ்டரை ரசிகர்கள் கொண்டாடி தீர்த்தனர்.
அண்மையில் வெளியான ‘வலிமை’ டிரெய்லரும் ரசிகர்களுக்கு படத்தின் மீதான எதிர்பார்ப்பினை எகிற செய்துள்ளது. ‘வலிமை’ படம் பிப்ரவரி 24 ம் தேதி உலகம் முழுக்க ரிலீஸ் ஆக உள்ளது. இதற்கான முன்னேற்ப்பாட்டில் தீவிரமாக ஈடுபட்டு வருகின்றனர் படக்குழுவினர். தமிழ், தெலுங்கு, கன்னடம், இந்தி ஆகிய மொழிகளில் மட்டுமல்லாமல் உலகின் பல நாடுகளிலும் ‘வலிமை’ படம் ரிலீஸ் செய்யப்பட உள்ளது உறுதியாகியுள்ளது.
சிலுவை போட்டா என்ன தப்பு..?: ‘அரபிக் குத்து’ சர்ச்சைக்கு தளபதி ரசிகர்கள் பதிலடி ..!
இந்நிலையில் ‘
ஏகே 61
’ படத்திற்கான வேலையில் மும்முரமாக இறங்கியுள்ளனர் ‘வலிமை’ படக்குழுவினர். இதன் முதல்கட்ட படப்பிடிப்பு ஹைதராபாத்தில் அடுத்த மாதம் துவங்க உள்ளதாக தகவல்கள் வெளியாகியுள்ளன. தற்போது லேட்டஸ்ட் தகவலாக இந்தப்படத்தில் அஜித் ஜோடியாக
தபு
நடிக்கவுள்ளதாக செய்திகள் கசிந்துள்ளது.
இவர்கள் இருவரும் கடந்த 2000 ஆம் ஆண்டு வெளியான ‘கண்டுகொண்டேன் கண்டுகொண்டேன்’ படத்தில் இணைந்து நடித்திருந்தனர். கிட்டத்தட்ட 22 ஆண்டுகள் கழித்து தற்போது மீண்டும் இணைய உள்ளனர் இருவரும். தபு கடைசியாக தமிழில் 2013 ஆம் ஆண்டு வெளியான டேவிட் படத்தில் நடித்திருந்தார். இந்நிலையில் ‘ஏகே 61’ படம் மூலம் 9 ஆண்டுகள் கழித்து மீண்டும் தமிழில் ரீ என்ட்ரி கொடுக்கவுள்ளார் தபு.
நெஞ்சுக்கு நீதி: தேர்தலைத் தாண்டி திரைப்படத்திலும் உதித்த உதய சூரியன்!