தமிழ் சினிமாவில் போடா போடி படத்தின் மூலம் இயக்குனராக அறிமுகமானார்
விக்னேஷ் சிவன்
. இயக்குனர் பிரபு சாலமனிடம் உதவி இயக்குனராக பணிபுரிந்து வந்த விக்னேஷ் சிவனுக்கு சிம்புவிடம் கதை சொல்லும் வாய்ப்பு கிடைத்தது.
விக்னேஷ் சிவன் சொன்ன அந்த கதை சிம்புவிற்கு பிடித்துப்போகவே போடா போடி படம் உருவானது. அதைத்தொடர்ந்து சில போராட்டங்களுக்கு பிறகு நானும் ரவுடி தான் படத்தை இயக்கினார் விக்னேஷ் சிவன். விஜய் சேத்துப்பதிக்கு பெரும் திருப்புமுனையாக அமைந்த இப்படத்தில் முதலில் நடிக்க பல ஹீரோக்கள் தயங்கினார்களாம்.
மகான் படத்தை கடுமையாக விமர்சித்த கஸ்தூரி…என்ன சொல்லிருக்காங்கனு நீங்களே பாருங்க..!
பல ஹீரோக்களிடம் கதைசொல்லி வந்த விக்னேஷ் சிவனுக்கு விஜய் சேதுபதிக்கு கதை சொல்லும் வாய்ப்பு கிடைத்தது. எனவேதான் நானும் ரவுடி தான் என்ற மெகாஹிட் படம் அமைந்தது. அதைத்தொடர்ந்து சூர்யாவை வைத்து தானா சேர்ந்த கூட்டம் படத்தை இயக்கிய விக்னேஷ் சிவன் தற்போது காத்துவாக்குல ரெண்டு காதல் படத்தை இயக்கிவருகிறார்.
நானும் ரவுடி தான் படத்தின் வெற்றி கூட்டணியாக
விஜய் சேதுபதி
, நயன்தாராவுடன் இப்படத்தில் சமந்தாவும் நடிக்கின்றார். படபிடிப்பெல்லாம் முடிவடைந்து இறுதிக்கட்ட பணிகள் நடைபெற்றுவரும் நிலையில் விரைவில் இப்படம் வெளியாகிவுள்ளது.
இந்நிலையில் தற்போது இயக்குனர் விக்னேஷ் சிவன் தல தோனியுடன் எடுத்துக்கொண்ட புகைப்படம் வைரலாகிவருகிறது. தீவிர
தோனி
ரசிகரான விக்னேஷ் சிவன் சமீபத்தில் தோனியை சந்தித்துள்ளார். அப்போது தோனியுடன் எடுத்துக்கொண்ட புகைப்படத்தை வெளியிட்ட விக்னேஷ் சிவன் அசரவைக்கும் பதிவையும் போட்டுள்ளார்.
அதில், ” என் முன்மாதிரியான தோனியை சந்தித்த தருணத்தை வார்த்தைகளால் சொல்லமுடியாது. எனது இயக்கத்தில் தோனி நடிப்பதற்கான அறிவிப்பு விரைவில் வெளியாகும்” , என பதிவிட்டுள்ளார். எனவே விக்னேஷ் சிவனின் இயக்கத்தில் தோனி நடிப்பதாக அவர் அறிவித்தது அனைவரையும் இன்பதர்ச்சியில் ஆழ்த்தியுள்ளது. இந்நிலையில் தோனியை வைத்து விக்னேஷ் சிவன் விளம்பர படம் எடுக்கப்போவதாகவும் தகவல்கள் வருகின்றது என்பது குறிப்பிடத்தக்கது.
தனுஷ் – ஐஸ்வர்யா விவகாரத்து? எஸ் ஏ சந்திரசேகர் அறிவுரை!