கமலுக்கு பதில் முன்னணி நடிகரை தேர்வு செய்த பிக்பாஸ் குழு…அடுத்தாண்டு முதல் இவர்தானாம்..!

நடிகர்
கமல்
தமிழ் சினிமாவின் ஒப்பற்ற நடிகர். உலகநாயகன் என்று எல்லோராலும் அன்போடு அழைக்கப்படும் கமல் தற்போது சினிமாவையும் தாண்டி அரசியலிலும் ஈடுபட்டு வருகிறார். அவரது அரசியல் வாழ்க்கைக்கு விஜய் டிவியில் ஒளிபரப்பான
பிக் பாஸ்
நிகழ்ச்சி அஸ்திவாரம் போட்டது என்று சொன்னால் அது மிகையாகாது.

கடந்த 2017 ஆம் ஆண்டு தமிழில் ஆரம்பிக்கப்பட்ட பிக் பாஸ் நிகழ்ச்சியை கமல் தொடர்ந்து தொகுத்துவந்தார். ஐந்து ஆண்டுகள் வெற்றிகரமாக பிக் பாஸ் நிகழ்ச்சியை தொகுத்து வந்த இவர் தற்போது நடைபெற்றுவரும் பிக் பாஸ் அல்டிமேட் நிகழ்ச்சியையும் தொகுத்து வழங்கிவந்தார்.

இந்நிலையில்
விக்ரம்
படப்பிடிப்பின் காரணமாக தன்னால் இனி பிக் பாஸ் அல்டிமேட் நிகழ்ச்சியை தொகுத்து வழங்க இயலாத சூழல் ஏற்பட்டதாக கூறி இந்நிகழ்ச்சியிலிருந்து விடைபெறுவதாக அறிவித்தார். இந்த அறிவிப்பு அனைத்து பிக் பாஸ் ரசிகர்களையும் வருத்தத்தில் ஆழ்த்தியது.

அஸ்வின் குமாருக்கு இதன் காரணமாகத்தான் இவ்வளவு ரசிகர்களா? இவ்ளோ நாள் இது தெரியாம போச்சே..!

ஏனென்றால் பிக் பாஸ் நிகழ்ச்சியை நிகழ்ச்சியை பல ரசிகர்கள் கமலுக்காகவே பார்க்கின்றனர். இதைத்தொடர்ந்து கமல் இனி இந்நிகழ்ச்சியில் பங்குகொள்ளமாட்டார் என தெரிந்த ரசிகர்கள் மிகவும் அதிர்ச்சியடைந்தனர்.

இருப்பினும் கமல் பிக் பாஸ் அல்டிமேட் நிகழ்ச்சியை தொகுத்து வழங்க முடியாத சூழலினால் விலகுவதாக அறிவித்தாரே தவிர, அடுத்த ஆண்டு நடைபெறும் பிக் பாஸ் நிகழ்ச்சியை தொகுத்து வழங்குவதைப்பற்றி எந்த கருத்தும் தெரிவிக்கவில்லை. ஆனால் அரசியலில் இனி தீவிரமாக இறங்கவுள்ள கமல் பிக் பாஸ் நிகழ்ச்சியை இனி தொகுத்து வழங்க வாய்ப்பில்லை என்பதே பலரின் கருத்தாக உள்ளது.

இந்நிலையில்
விஜய் டிவி
நிர்வாகம் தற்போது பிக் பாஸ் நிகழ்ச்சியை கமலுக்கு பதில் தொகுத்து வழங்குவோரை தேர்ந்தெடுக்கும் பணியில் தீவிரமாக உள்ளது. அந்த வகையில் கடந்தாண்டு பிக் பாஸ் நிகழ்ச்சியை கமலுக்கு பதில் சிம்பு தான் இனி தொகுத்து வழங்குவார் என்ற செய்தி சமூகத்தளங்களில் வைரலானது.

அதன் பின் அந்த தகவல் வெறும் வதந்தியாகவே முடிந்தது. இருப்பினும் தற்போது அந்த செய்தி உண்மையாக அதிக வாய்ப்புள்ளதாக தெரிகிறது. அடுத்தாண்டு முதல் பிக் பாஸ் நிகழ்ச்சியை சிம்பு தொகுத்து வழங்கும் வாய்ப்பு தற்போது அதிகரித்துள்ளதாக தகவல்கள் வந்துள்ளன. இதனை கேட்ட ரசிகர்கள் எதிர்பார்ப்பின் உச்சிக்கே சென்றுள்ளனர் என்பது குறிப்பிடத்தக்கது.

பங்கர் ராஜு வெற்றி விழாவில் பாடி அசத்திய அனூப் ரூபன்ஸ்!