நடிகர்
விஜய்
நடிப்பில் உருவாகிவரும்
பீஸ்ட்
படத்தில் இடம்பெற்ற
அரபிக் குத்து
பாடல்தான் தற்போது ட்ரெண்டிங். நெல்சன் இயக்கத்தில் உருவாகியுள்ள இப்படத்திற்கு
அனிருத்
இசையமைத்திருகிறார். கடந்த காதலர் தினத்தன்று இப்படத்திலிருந்து அரபிக் குத்து பாடல் வெளியானது.
சிவகார்த்திகேயன் எழுதிய இப்பாடல் ரசிகர்களை வெகுவாக ஈர்த்தது. மேலும் அனிருத் மற்றும் ஜோனிடாவின் வசீகர குரல் இப்பாடலுக்கு கூடுதல் பலம். விஜய் மற்றும் பூஜா ஹெக்டேவின் அசத்தல் நடனம் ரசிகர்களின் அமோக வரவேற்பை பெற்றது.
அரபிக்குத்து
அரபிக் ஸ்டைலில் சிவகார்த்திகேயன் எழுதிய இப்பாடல் பல ரசிகர்களுக்கு புரியவில்லை என்றாலும் இப்பாடலில் எதோ ஒன்று இருக்கின்றது என்பது ரசிகர்களின் பொதுவான கருத்தாக உள்ளது. இந்நிலையில் இப்பாடல் வெளியான சில மணி நேரங்களிலேயே பல சாதனைகளை படைத்தது. விஜய்யின் பாடல்களில் அதிக பார்வையாளர்களை அரைமணி நேர்தத்தில் பெற்ற பாடலாக அரபிக் குத்து பாடல் உருவெடுத்தது.
ரஜினி, அஜித் பாடிய அரபிக் குத்து பாடல்..வைரலாகும் வீடியோ
மேலும் பல முன்னணி நடிகர்களின் பாடல் சாதனையை இணையத்தில் தகர்த்தெறிந்து வருகிறது இந்த பாடல். இந்நிலையில் இப்பாடல் ரசிகர்களை கவர்ந்ததைப்போல பல சினிமா நட்சத்திரங்களையும் கவர்ந்து வருகிறது. அதன் காரணமாக சினிமா துறையை சார்ந்த பலர் இப்பாடலுக்கு நடனமாடி வீடியோ வெளியிட்டு வருகின்றனர்.
சமந்தாவில் துவங்கி ஜெய், அட்லீ என பலர் இப்பாடலுக்கு நடனமாடி வீடியோ வெளியிட்டுள்ளனர். மேலும் சினிமா நட்சத்திரங்களை போல பல தொகுப்பாளர்களும், சீரியல் நட்சத்திரங்களும் கூட இப்பாடலுக்கு ரீல்ஸ் செய்து வருகின்றனர். அந்த வகையில் தற்போது தமிழ் சினிமாவில் இளம் நாயகியாக வலம் வரும்
யாஷிகா ஆனந்த்
இப்பாடலுக்கு நடனமாடி வீடியோ ஒன்றை வெளியிட்டுள்ளார்.
எப்போதும் தன் கவர்ச்சி புகைப்படங்களை சமூகத்தளங்களில் பதிவிட்டு தனக்கென தனி ரசிகர்கள் கூட்டத்தை பெற்றுள்ள யாஷிகா தற்போது அரபிக் குத்து பாடலுக்கு நடனமாடி விடியோவை வெளியிட்டுள்ளார்.
வழக்கம் போல் யாஷிகாவின் இந்த கவர்ச்சி நடன வீடியோவிற்கும் ரசிகர்களின் ஆதரவு அமோகமாக இருந்து வருகிறது. தற்போது யாஷிகாவின் அரபிக் குத்து நடன வீடியோ சமூகத்தளங்களில் வைரலாகிவருகின்றது குறிப்பிடத்தக்கது.
மன்னிப்பு கேட்ட விஜய்; என்ன காரணம் தெரியுமா?