இந்திய ஸ்மார்ட்போன் தயாரிப்பு நிறுவனமான Lava, சில ஆண்டுகள் சீன ஸ்மார்ட்போன் நிறுவனங்களுடன் சந்தையில் போட்டியிட முடியாமல் ஒதுங்கி இருந்தது. இந்நிலையில், லாவா அக்னி 5ஜி ஸ்மார்ட்போனை இந்தியச் சந்தையில் அதிரடியாகக் களமிறக்கியது.
போன் வெளியிட்ட கையோடு, சீன நிறுவனத்திற்கு அதிர்ச்சி கொடுக்கும் வகையில் ஒரு அறிவிப்பையும் வெளியிட்டது. அதில், ரியல்மி 8 எஸ் ஸ்மார்ட்போனை எக்சேஞ்ச் செய்தால் லாவா அக்னி 5ஜி போன் இலவசமாக தரப்படும் என்பது தான். சீன நிறுவனத்தைத் திக்குமுக்காட வைத்த இந்த அறிவிப்பைத் தொடர்ந்து, இந்தியப் பயனர்கள் மத்தியில் லாவா நிறுவனத்திற்கு நல்ல பெயர் கிடைத்தது.
கடைகளில் விற்பனைக்கு வந்த JioPhone Next மொபைல் – விலை ரொம்ப கம்மி!
இந்த நிலையில் நிறுவனம் தனது புதிய மலிவு விலை ஸ்மார்ட்போனை இந்திய சந்தையில் அறிமுகப்படுத்தி உள்ளது. Lava X2 என்று கொண்டுவரப்பட்டுள்ள இந்த ஸ்மார்ட்போனின் விலை வெறும் ரூ.6,599 தான். மார்ச் 12 ஆம் தேதி விற்பனைக்கு வரும் இந்த ஸ்மார்ட்போனின் முன்பதிவு தற்போது அமேசான் ஷாப்பிங் தளத்தில் தொடங்கப்பட்டுள்ளது.
லாவா எக்ஸ் 2 அம்சங்கள் (Lava X2 features)
இந்த ஸ்மார்ட்போனில் பெரிய 6.5″ அங்குல முழு அளவு எச்டி+ எல்சிடி டிஸ்ப்ளே கொடுக்கப்பட்டுள்ளது. இந்த டிஸ்ப்ளேயில் முன்பக்க செல்பி கேமராவுக்காக நாட்ச் வழங்கப்பட்டுள்ளது. லாவா எக்ஸ் 2 ஸ்மார்ட்போன் மீடியாடெக் ஆக்டாகோர் புராசஸர் கொண்டு இயக்கப்படுகிறது. ஸ்டாக் ஆண்ட்ராய்டு 11 கோ (Stock
Android
11 Go Edition) இயங்குதளம் இதில் பயன்படுத்தப்பட்டுள்ளது.
லாவா புதிய மலிவு விலை ஸ்மார்ட்போன் கேமராவை பொருத்தவரை, பின்பக்கம் இரண்டு கேமரா கொடுக்கப்பட்டுள்ளது. அதில், ஒரு 8 மெகாபிக்சல் செயற்கை நுண்ணறிவு கொண்ட முதன்மை சென்சாரும், ஒரு 2 மெகாபிக்சல் டெப்த் அல்லது மேக்ரோ சென்சார் ஆகியவை அடங்கும். மேலும், முன்பக்கம் செல்பி மற்றும் வீடியோ அழைப்புகளுக்காக 5 மெகாபிக்சல் கேமரா வழங்கப்பட்டுள்ளது.
லாவா எக்ஸ் 2 பேட்டரி (Lava X2 battery backup)
பாதுகாப்பு அம்சங்களுக்காக, கைரேகை சென்சார், பேஸ் அன்லாக் ஆகியவை போனின் பிரதான அம்சங்களாகப் பார்க்கப்படுகிறது. 3.5mm ஜாக், ப்ளூடூத், வைஃபை போன்ற இணைப்பு ஆதரவுகளையும் லாவா போன் கொண்டுள்ளது. குறைந்த விலையில் அதிக வசதிகளை அளிப்பதே தங்களின் இலக்கு என நிறுவனம் வெளியிட்ட அறிக்கையில் குறிப்பிட்டுள்ளது.
பேட்டரியைப் பொருத்தவரை, 5000mAh பெரிய பேட்டரி கொடுக்கப்பட்டுள்ளது. ஆண்ட்ராய்ட்ய் 11 கோ இயங்குதளம் என்பதால், பேட்டரியின் திறன் குறைவாகவே பயன்படுத்தப்படும். இதன் காரணமாக பயனர்கள் அதிக நேரம் இந்த ஸ்மார்ட்போனை சார்ஜ் போடாமல் பயன்படுத்த முடியும்.
YouTube அறிமுகப்படுத்தும் புதிய Share Clips வசதி – எப்படி பயன்படுத்துவது!
லாவா எக்ஸ் 2 விலை (Lava X2 Price in India)
மொத்தம் 192 கிராம் எடையுள்ள இந்த ஸ்மார்ட்போன், இரண்டு நிறங்களில் விற்பனைக்கு கொண்டு வரப்பட்டுள்ளது. சியான், ப்ளூ ஆகிய இரு நிறங்களுடன் வரும் இந்த ஸ்மார்ட்போனின் 2ஜிபி ரேம் + 32ஜிபி ஸ்டோரேஜ் மெமரி வேரியண்டின் விலை, அமேசான் தளத்தில் அறிமுக தள்ளுபடியைச் சேர்த்து ரூ.6,599ஆக பட்டியலிடப்பட்டுள்ளது.
இந்த ஸ்மார்ட்போனுக்கு அமேசான் ஷாப்பிங் தளத்தில் எக்ஸ்சேஞ்ச் ஆஃபர் அளிக்கப்பட்டுள்ளது. அதன்படி, பழைய போன்களுக்கு ரூ.6,200 வரை எக்ஸ்சேஞ்ச் வேல்யூ கிடைக்கிறது. இந்த சலுகையைப் பயன்படுத்தி, லாவா ஸ்மார்ட்போனை பயனர்கள் வெறும் ரூ.349க்கு வாங்க முடியும்.