Russia-Ukraine crisis Live: உக்ரைன் அரசை கவிழ்க்க நினைக்கவில்லை : பேச்சுவார்த்தையை தான் விரும்புகிறோம் – ரஷ்யா அரசு

தொடர்ந்து இரண்டாவது நாளாக “மனிதாபிமான வழித்தடம்” நிறுவப்பட்ட பின்னர், வடகிழக்கு உக்ரேனிய நகரமான சுமியிலிருந்து பொதுமக்கள் தனியார் கார்களில் புதன்கிழமை வெளியேறத் தொடங்கினர் என்று சுமி மேயர் ஒலெக்சாண்டர் லைசென்கோ தொலைக்காட்சி கருத்துக்களில் கூறினார்.

உக்ரைனிலிருந்து தாயகம் திரும்பிய மாணவர்கள் இந்தியாவில் உள்ள மருத்துவக் கல்லூரிகளில் படிப்பை தொடர அனுமதிப்பதோடு, அவர்களின் கல்விக் கடனையும் ரத்து செய்ய மத்திய அரசு முன்வர வேண்டுமென’ நாம் தமிழர் கட்சியின் ஒருங்கிணைப்பாளர் சீமான் வலியுறுத்தியுள்ளார்.

ரஷ்யாவிலிருந்து எண்ணெய் இறக்குமதிக்கு அமெரிக்க அரசு தடை விதித்துள்ள நிலையில்’ அமெரிக்காவில் 14 ஆண்டுகளில் இல்லாத வகையில், ஒரு கேலன் பெட்ரோல் விலை 4.173 டாலர்களாக அதிகரித்துள்ளது.

ரஷ்ய விமானம் செவ்வாய் இரவு உக்ரைனின் இரண்டாவது பெரிய நகரமான கார்கிவ் மற்றும் கிவ்-ன் மேற்கில் உள்ள சைட்டோமைரைச் சுற்றியுள்ள குடியிருப்புப் பகுதிகளில் குண்டுவீசித் தாக்கியது, மேலும் அதன் இராணுவமும் கிவ்-ன் புறநகர்ப் பகுதிகள் மீது ஷெல் தாக்குதலை முடுக்கிவிட்டதாக உக்ரேனிய அவசர சேவைகள் தெரிவித்தன.

சைட்டோமைர் அருகே 25,000 பேர் வசிக்கும் நகரமான மாலினில் நிகழ்ந்த, குண்டுவெடிப்பில் இரண்டு குழந்தைகள் உட்பட குறைந்தது ஐந்து பேர் கொல்லப்பட்டனர். கார்கிவ் அருகே உள்ள சுஹூவில் குண்டுவெடிப்பில் 7 வயது சிறுவன் உட்பட இருவர் உயிரிழந்தனர். பல புறநகர்ப் பகுதிகளில், இறந்தவர்களின் உடல்களை அடக்கம் செய்ய முடியாத நிலை உள்ளது.

2,00,000-க்கும் அதிகமான மக்களுக்கு உணவளிப்பதற்கும், தங்குவதற்கும், மேற்கு உக்ரைனில் உள்ள நகரம்’ சிரமப்படுவதாக லிவிவ் மேயர் கூறினார். இடம்பெயர்ந்தவர்கள் நகரின் விளையாட்டு அரங்குகள், பள்ளிகள் மற்றும் பிற கட்டிடங்களில் தங்க வைக்கப்பட்டுள்ளனர்.

ரஷ்ய ஜனாதிபதி விளாடிமிர் புடின் படையெடுப்பைத் தொடங்கிய சுமார் இரண்டு வாரங்களில், அவரது படைகள் தெற்கு மற்றும் கடலோர உக்ரைனின் ஒரு பகுதியைக் கைப்பற்றியுள்ளன, ஆனால் கீவ் நகரை சுற்றியுள்ள பல பகுதிகளில் அவர்களின் முன்னேற்றங்கள் நிறுத்தப்பட்டுள்ளன.