ஐஸ்வர்யா
ஒன்பது வருடங்களுக்கு பிறகு இயக்கத்தில் இறங்கியுள்ளார். அவர் இயக்கிய
பயணி
என்னும் ஆல்பம் பாடல் தற்போது வெளியாகியுள்ளது. 3 படத்தின் மூலம் இயக்குனரான ஐஸ்வர்யா அதைத்தொடர்ந்து கெளதம் கார்த்திக்கை வைத்து வை ராஜா வை படத்தை இயக்கினார்.
அதன் பிறகு பல ஆண்டுகள் கழித்து தற்போது பயணி எனும் ஆல்பம் பாடலை இயக்கியுள்ளார்.
அனிருத்
பாடியுள்ள இப்பாடல் தமிழில் மட்டுமின்றி தெலுங்கு மற்றும் மலையாளத்திலும் வெளியாகியுள்ளது.
மனம் மாறிய ரஜினி ? சந்தோஷத்தில் ஐஸ்வர்யா..திடீர் திருப்பம்..!
தென்னிந்தியாவின் முக்கிய நடிகர்களான அல்லு அர்ஜுன்,
மோகன் லால்
, மகேஷ் பாபு ஆகியோர் இப்பாடலை வெளியிட்டுள்ளனர். மேலும் சூப்பர்ஸ்டார் ரஜினிகாந்தும் இப்பாடலை வெளியிட்டு தனது மகள் ஐஸ்வர்யாவிற்கு வாழ்த்துக்களை கூறியுள்ளார்.
இந்நிலையில் தற்போது வைரலாக பரவிவரும் இந்த ஆல்பம் பாடலினால்
தனுஷ்
ரசிகர்கள் சற்று வருத்தத்தில் உள்ளனர். ஏனென்றால் பயணி பாடலில் ஒரு இடத்தில அசுரன் படத்தின் தெலுங்கு ரீமேக்கான நாரப்பா போஸ்டர் இடம்பெற்றிருக்கும். இதன் காரணமாக தனுஷ் ரசிகர்கள் சற்று வருத்தத்தில் இருக்கின்றனர்.
என்னதான் தெலுங்கு மற்றும் மலையாளத்தில் இப்பாடல் வெளியானாலும் இது தமிழ் பாடல்தான். இந்நிலையில் தனுஷிற்கு தேசிய விருதை பெற்றுத்தந்த அசுரன் போஸ்ட்டரை விட்டுவிட்டு தெலுங்கு ரீமேக்கான நாரப்பா போஸ்ட்டரை பாடலின் பின்னணியில் வைத்தது சரியல்ல என தனுஷ் ரசிகர்கள் கருத்து தெரிவித்து வருகின்றனர்.
இருப்பினும் இந்த போஸ்டர் இடம்பெற்றது ஐஸ்வர்யாவிற்கு தெரிந்திருக்க வாய்ப்பில்லை எனவும் இது தற்செயலாக நடந்ததுதான் எனவும் சில ரசிகர்கள் பொதுவாகவும் பேசிவருகின்றனர். தற்போது தனுஷ் மற்றும் ஐஸ்வர்யா இருவரும் பிரிந்திருப்பதால் தான் இந்த சின்ன விஷயம் பெரிதாக பேசப்பட்டு வருகின்றது என்பது குறிப்பிடத்தக்கது.