ஐக்கிய நாடுகள் சபை புதன்கிழமையன்று உக்ரைனில் நடக்கும் போர்க்குற்றங்களை விசாரிக்க மூன்று மனித உரிமை நிபுணர்களை நியமித்துள்ளது.
உக்ரைனில் பொதுமக்கள் மீது கண்மூடித்தனமான குண்டுவீச்சு குற்றச்சாட்டுகளை ரஷ்யா எதிர்கொள்கிறது.
ரஷ்ய ஆயுதப் படைகள் ஷெல் வீச்சு மற்றும் நகரங்களை முற்றுகையிட்டு பொதுமக்களைக் கொன்றதாக உக்ரைன் மற்றும் மேற்கு நாடுகள் குற்றம் சாட்டி வருகின்றன, குறிப்பாக தெற்கு துறைமுகமான மரியுபோலில் பொதுமக்களை கொன்று குவித்துள்ளனர் என்று தெரிவிக்கப்பட்டுள்ளது. ஆனால் இந்தக் குற்றச்சாட்டுகளை ரஷ்யா மறுத்துள்ளது.
மறுபுறம், கைப்பற்றப்பட்ட ரஷ்ய வீரர்களை உக்ரைன் படைகள் தவறாக நடத்துவதைக் காட்டும் வீடியோ சமூக ஊடகங்களில் பரவி வருகிறது. படங்கள் போலியாகத் தெரிகின்றன, ஆனால் அது உண்மையெனக் கண்டறியப்பட்டால் குற்றவாளிகளைத் தண்டிக்கும் என்று உக்ரைன் அரசு தெரிவித்துள்ளது.
📷
AP/Evgeniy Maloletka
இந்நிலையில், உக்ரைன் மற்றும் ஐரோப்பிய ஒன்றியம், பிரித்தானியா மற்றும் அமெரிக்கா உள்ளிட்ட நட்பு நாடுகளின் வேண்டுகோளுக்கு இணங்க ஐ.நா மனித உரிமைகள் பேரவை ஒரு வருடத்திற்கு விசாரணை கமிஷனை உருவாக்கியுள்ளது.
இந்த சுயேச்சையான குழு நார்வேயின் எரிக் மோஸ் தலைமையில் இருக்கும், மேலும் இது மனித உரிமை மீறல்கள் மற்றும் சர்வதேச மனிதாபிமான சட்ட மீறல்கள் “ரஷ்ய கூட்டமைப்பு மூலம் உக்ரைன் மீது ஆக்கிரமிப்பு பின்னணியில்” விசாரணை நடத்தும் என்று ஒரு அறிக்கையில் கூறப்பட்டுள்ளது.
இந்தப் படையெடுப்பானது உக்ரைனை ‘denazify’ (அழிக்க) செய்வதற்கான ரஷ்யாவின் ‘சிறப்பு நடவடிக்கை’ என்ற குற்றச்சாட்டை எதிர்த்துள்ளது.
ஐக்கிய நாடுகள் சபை சிரியா, மியான்மர் மற்றும் பிற மோதல்களில் நடந்த போர்க்குற்றங்களுக்கான உண்மையைக் கண்டறியும் விசாரணைகளையும் கொண்டுள்ளது.
47 உறுப்பினர்களைக் கொண்ட ஜெனீவா மன்றத்தால் ஏற்றுக்கொள்ளப்பட்ட உக்ரைன் மீதான தீர்மானத்தின் கீழ், குழு சாட்சிகளை நேர்காணல் செய்து, எதிர்கால சட்ட நடவடிக்கைகளுக்கு தடயவியல் தகவல்களை சேகரிக்கும் என்று தெரிவிக்கப்பட்டுள்ளது.
இந்த குழு, இந்த விசாரணையின் ஆரம்ப கண்டுபிடிப்புகளை செப்டம்பரில் தெரிவிக்க உள்ளது.
