நீங்கள் Airtel வாடிக்கையாளராக இருந்தால், உங்களுக்கு ஒரு நல்ல செய்தி காத்திருக்கிறது. இந்தியாவின் முன்னணி டெலிகாம் நிறுவனமாக வலம் வரும் பார்தி ஏர்டெல் நிறுவனம் புதிதாக ரூ.296 ரீசார்ஜ் திட்டத்தை அறிமுகப்படுத்தி உள்ளது. இந்த திட்டமானது, 30 நாள்கள் வரை செல்லுபடியாகும் என்பது தான் கூடுதல் சிறப்பு.
தொலைத்தொடர்பு நிறுவனங்களின் திட்டங்களை ஒப்பிடுகையில், வரம்பற்ற அழைப்புகளுடன் ஒரு காலண்டர் மாதம் செல்லுபடியாகும் திட்டத்தை சில தினங்களுக்கு முன் ஜியோ அறிமுகம் செய்தது. அதனைத் தொடர்ந்து தற்போது ஏர்டெல்லும் 30 நாள்கள் செல்லுபடியாகும் திட்டத்தை அறிமுகப்படுத்தி உள்ளது.
டிராய் உத்தரவு
இந்திய தொலைத்தொடர்பு ஒழுங்குமுறை ஆணையமான டிராய் (
TRAI
) சமீபத்தில் நுகர்வோருக்கு பெரும் நிவாரணம் அளிக்கும் விதமான அறிவிப்பை வெளியிட்டது. ஒரு மாதம் செல்லுபடியாகும் என்று Prepaid recharge திட்டங்களை அறிவிக்கும் தொலைத்தொடர்பு நிறுவனங்கள், 28 நாள்கள் மட்டுமே வேலிடிட்டியை வழங்கி பயனர்களை சோதித்து வந்தது.
இது தொடர்பாக பல புகார்கள் எழுந்த நிலையில், தற்போது டிராய் நடவடிக்கை எடுத்துள்ளது. டிராய் வெளியிட்டுள்ள உத்தரவின்படி, 28 நாள்களுக்குப் பதிலாக 30 நாட்கள் செல்லுபடியாகும் ரீசார்ஜ் திட்டங்களை தொலைத்தொடர்பு நிறுவனங்கள் சமர்ப்பிக்குமாறு தெரிவித்துள்ளது. மேலும், 30 நாள்கள் செல்லுபடியாகும் திட்ட விவரங்களை 60 நாள்களுக்குள் சமர்பிக்க வேண்டும் என்றும் உத்தரவில் டிராய் குறிப்பிட்டுள்ளது.
TRAI இன் புதிய உத்தரவின்படி, ஒவ்வொரு தொலைத்தொடர்பு நிறுவனமும் குறைந்தபட்சம் ஒரு திட்ட வவுச்சர், ஒரு சிறப்பு கட்டண வவுச்சர் மற்றும் ஒரு காம்போ வவுச்சரையாவது சமர்ப்பிக்க வேண்டும். இது 28 நாள்களுக்கு பதிலாக முழு 30 நாள்களுக்கு செல்லுபடியாவதாக இருக்க வேண்டும். வாடிக்கையாளர்கள் இந்தத் திட்டங்களை ரீசார்ஜ் செய்ய விரும்பினால், அந்தத் தேதியில் இருந்து அதைச் செய்ய முடியும்.
மிரட்டும் அம்சங்களுடன் இந்தியாவில் அறிமுகமாகும் சியோமி 12 ப்ரோ!
ஏர்டெல் ரூ.296 ரீசார்ஜ் திட்டம் (Airtel 296 Plan Details)
புதிதாக ஏர்டெல் அறிமுகப்படுத்தியுள்ள 30 நாள்கள் திட்டத்தின் விலை ரூ.296 ஆக நிர்ணயம் செய்யப்பட்டுள்ளது. திட்டத்தில், பயனர்களுக்கு மொத்தம் 25GB டேட்டா, வரம்பற்ற அழைப்பு, 30 நாள்கள் வேலிடிட்டி கிடைக்கும். இத்திட்டத்துடன் ஒரு நாளைக்கு 100 இலவச எஸ் எம் எஸ் வழங்கப்படுகிறது.
இந்தத் திட்டத்தில் Amazon Prime Video மொபைல் பதிப்பின் ட்ரையல் சேவை 30 நாள்களுக்கும், 3 மாதங்கள் அப்பல்லோ 27/7 சர்கிள், ஷா அகாடமியின் இலவச ஆன்லைன் கோர்ஸ், பாஸ்டேக் (Fastag) ரீசார்ஜில் 100 கேஷ்பேக், இலவச ஹெலோடியூன்ஸ் (Hellotunes), இலவச விங் மியூசிக் (Wynk Music) ஆகியன கூடுதல் நன்மைகளாக உள்ளன.
ஷூவில் கேமரா; போன் சார்ஜர் – Ixigo அறிமுகம் செய்த ஸ்மார்ட் ஷூஸ்!
ஏர்டெல் ரூ.319 ரீசார்ஜ் திட்டம் (Airtel 319 Plan Details)
ஏர்டெல் மேலும் ஒரு மாதத் திட்டத்தை அறிமுகப்படுத்தியுள்ளது. இந்த திட்டத்தின் விலை ரூ.319 ஆக நிர்ணயம் செய்யப்பட்டுள்ளது. திட்டத்தில், பயனர்களுக்கு தினசரி 2GB டேட்டா, வரம்பற்ற அழைப்பு, ஒரு மாத வேலிடிட்டி கிடைக்கும்.
இத்திட்டத்துடன் ஒரு நாளைக்கு 100 இலவச எஸ் எம் எஸ் வழங்கப்படுகிறது. இந்தத் திட்டத்தில் Amazon Prime Video மொபைல் பதிப்பின் ட்ரையல் சேவை 30 நாள்களுக்கும், 3 மாதங்கள் அப்பல்லோ 27/7 சர்கிள், ஷா அகாடமியின் இலவச ஆன்லைன் கோர்ஸ், இலவச ஹெலோடியூன்ஸ் , இலவச விங் மியூசிக், பாஸ்டேக் ரீசார்ஜில் 100 கேஷ்பேக் ஆகியன கூடுதல் நன்மைகள் கிடைக்கிறது.
Jio அதிரடி – முதல் முறையாக சூப்பர் திட்டம் அறிமுகம்!
இந்த திட்டத்தை எத்தனை முறை வேண்டுமானாலும் ரீசார்ஜ் செய்து கொள்ளலாம். சரியாக சொல்ல வேண்டும் என்றால் இன்று (ஏப்ரல் 2) நீங்கள் இந்த திட்டத்தில் சேர்ந்தால், அடுத்த மாதம் மே 2 வரை இந்த திட்டம் செல்லுபடியாகும். ஒன்றுக்கும் மேற்பட்ட முறை நீங்கள் ரீசார்ஜ் செய்திருந்தால், தானாகவே Renew ஆகிவிடும் என்பது குறிப்பிடத்தக்கது.
அடுத்த செய்திமிரட்டும் அம்சங்களுடன் இந்தியாவில் அறிமுகமாகும் சியோமி 12 ப்ரோ!