ஜேர்மனியில் COVID-19 தனிமைப்படுத்தல் விதிகளை தளர்த்தும் திட்டம் கைவிடப்பட்டது.
ஜேர்மனியில் கோவிட்-19 தோற்றால் பாதிக்கப்படுவோருக்கான கட்டாய தனிமைப்படுத்தல் விதிமுறை முடிவுக்குக் கொண்டுவரப்படாது என்று சுகாதார அமைச்சர் Karl Lauterbach கூறினார்.
தனிமைப்படுத்தல் கட்டுப்பாடுகளை நீக்குவது இன்னும் அதிக தொற்றுநோய்களைத் தூண்டும் என்ற கவலைகள் எழுப்பப்பட்டதால் திட்டத்தை மாற்றியமைத்ததாக தெரிவிக்கப்பட்டுள்ளது.
“கொரோனா வைரஸ் ஒரு ஜலதோஷம் அல்ல. அதனால்தான் நோய்த்தொற்றுக்குப் பிறகு தொடர்ந்து தனிமைப்படுத்தப்பட வேண்டும்” என்று சுகாதார அமைச்சர் கார்ல் லாட்டர்பாக் ட்விட்டரில் கூறினார்.
மேலும், கட்டாய தனிமைப்படுத்தலுக்கு முற்றுப்புள்ளி வைப்பதன் மூலம் அவர் தவறு செய்துவிட்டதாக கூறினார்.
REUTERS/Lisi Niesner
தற்போதுள்ள விதிகளின்படி, கோவிட்-19 உள்ளவர்கள் குறைந்தது ஏழு நாட்களுக்கு தனிமைப்படுத்தப்பட வேண்டும். அந்த காலகட்டத்தின் முடிவில் கோவிட்-19 பரிசோதனையின் பரிந்துரையுடன் தன்னார்வமாக ஐந்து நாட்கள் சுய-தனிமைப்படுத்தலுக்கு மாறுமாறு லாட்டர்பாக் கடந்த வாரம் பரிந்துரைத்தார்.
ஜேர்மனியில் மருத்துவ ஊழியர்களைத் தவிர, தனிமைப்படுத்தலை முடிவுக்குக் கொண்டுவரும் யோசனை வெளிப்பட்ட நிலையில், சமீபத்திய வாரங்களில் COVID-19 பாதிப்பு எண்ணிக்கை அதிகரித்து, மருத்துவமனைகள் மற்றும் பல பணியிடங்களில் பணியாளர்கள் பாதிக்கப்பட்டுள்ளனர்.
ஒமிக்ரான் வகை கொரோனா வைரஸால் பாதிக்கப்படுவோர் கடுமையான நோய்களுக்கு ஆளாவதில்லை என்பதால், இந்த யோசனைக்கான ஆதரவு குறைந்துவிட்ட போதிலும், 60 வயதுக்கு மேற்பட்டவர்கள் மட்டுமே அக்டோபரில் இருந்து தடுப்பூசி போட வேண்டிய கட்டாயத்தில் உள்ளனர்.