பிரபல குத்துச்சண்டை வீரர் மைக் டைசன் சக பயணி ஒருவரை விமானத்தில் தாக்கிய சம்பவம் பரபரப்பை ஏற்படுத்தி உள்ளது.
அமெரிக்காவைச் சேர்ந்த முன்னாள் குத்துச்சண்டை வீரர் மைக் டைசன், சான்பிரான்ஸ்கோ விமான நிலையத்தில் இருந்து புளோரிடாவுக்கு விமானம் ஒன்றில் பயணம் செய்தார். அப்போது அவருக்கு பின் இருக்கையில் அமர்ந்திருந்த பயணி ஒருவர், தொடர்ந்து மைக் டைசனை தொந்தரவு செய்வது போல பேசிக் கொண்டே இருந்ததாகக் கூறப்படுகிறது.
இதனால் ஆத்திரம் அடைந்த மைக் டைசன், தன் சீட்டில் இருந்து எழுந்து, பின் இருக்கையில் இருந்த பயணியின் முகத்தில் சராமாரியாக குத்தினார். அதன் பின், முகத்தின் ரத்த காயத்துடன் அந்த பயணி சில முக பாவனைகளை சமூக வலைதளத்தில் வெளியிட்டு உள்ளார்.
20 நாட்களுக்குள் 2 முறை கொரோனா…உலக மக்கள் அதிர்ச்சி!
இது குறித்து சக பயணிகள் கூறுகையில், மைக் டைசன் அந்த பயணியை அமைதியாக இருக்கும்படி கூறி வந்தார். ஆனால் அந்த பயணியோ அவரை தொந்தரவு செய்தபடி காதில் கத்தியபடியே இருந்தார். இதனால் டைசன் அவரை தாக்கினார். பின்னர் விமானம் கிளம்புவதற்கு முன்பு மைக் டைசன் விமானத்தில் இருந்து வெளியேறினார் என தெரிவித்தனர்.
மைக் டைசன் வன்முறை நடவடிக்கைகளுக்கு பெயர் போனவர். 1997 ஆம் ஆண்டு ஒருவரது காதை மைக் டைசன் கடித்து துப்பியது குறிப்பிடத்தக்கது.