செல்போனில் ஆபாச படம் அனுப்பி தொல்லை: நகுல் மனைவி போலீசில் புகார்
நடிகர் நகுலின் மனைவியும், சின்னத்திரை தொகுப்பாளியுமான ஸ்ருதிக்கு மர்ம நபர்கள் செல்போனில் ஆபாச படங்களை அனுப்பி தொடர்ந்து தொல்லை கொடுத்து வந்துள்ளனர். இதுகுறித்து சமூக வலைத்தளத்தில் அவர் பேசிவந்தார். இந்த நிலையில் போலீசிலும் புகார் கொடுத்துள்ளார்.
“ஆபாச வீடியோக்களுடன் ஐ லவ் யு என அனுப்பியுள்ளார். எப்படி இந்த மாதிரி சில ஆண்கள் தெரியாத ஒரு பெண்ணுக்கு ஆபாச வீடியோக்களை அனுப்பிவிட்டு ஐ லவ் யு என மெஸேஜும் அனுப்புகிறார்கள். இது எனக்கு முதல் முறை இல்லை. பலமுறை இதுபோல ஆபாச வீடியோக்கள் வந்துள்ளன” என்று அவர் சமூக வலைத்தளத்தில் குறிப்பிட்டிருந்தார். இதை தொடர்ந்து பலரும் அவருக்கு ஆதரவாக பேசினர். இதுகுறித்து போலீசில் புகார் அளிக்கும்படியும் கூறியிருந்தனர். இதை தொடர்ந்து அவர் சைபர் க்ரைம் போலீசிலும் புகார் அளித்துள்ளார்.