அதிரடி அம்சங்களுடன் ஸ்மார்ட்போன்களை சந்தையில் அறிமுகப்படுத்துவது, சியோமி நிறுவனத்துக்கு மட்டுமே உரித்தான ஒரு தனி ஸ்டைல். அதே முறையை தற்போதும் நிறுவனம் கையாண்டுள்ளது. பயனர்களால் பெரிதும் எதிர்பார்க்கப்பட்ட நிறுவனத்தின் புதிய பிளாக்ஷிப் ஸ்மார்ட்போனை இந்தியாவில் அறிமுகம் செய்துள்ளது.
Xiaomi 12 Pro 5G ஸ்மார்ட்போன் குறித்து பல தகவல்கள் கசிந்துவந்த நிலையில், இந்த ஸ்மார்ட்போன் பயனர் சந்தைக்கு அறிமுகப்படுத்தப்பட்டுள்ளது. இதனுடன் சியோமியின் Pad 5 டேப்லெட்டும் இந்தியாவில் அறிமுகம் செய்யப்பட்டது. பிற நிறுவனங்களின் பிளாக்ஷிப் போன்களுக்கு கடும் நெருக்கடி கொடுக்கும் வகையில் இதன் விலை நிர்ணயிக்கப்பட்டுள்ளது.
ஸ்னாப்டிராகன் பிளாக்ஷிப் சிப்செட், அமோலெட் டிஸ்ப்ளே, டிரிப்பிள் 50 மெகாபிக்சல் OIS கேமரா, 120W பாஸ்ட் சார்ஜிங் ஆதரவு என இந்த ஸ்மார்ட்போன்களில் இல்லாத அம்சங்களே இல்லை என்று சொல்லலாம். புதிய சியோமி ஸ்மார்ட்போன் குறித்த கூடுதல் விவரங்களைத் தெரிந்து கொள்ளலாம்.
இனி சுதந்திரமாகப் பேசலாம் – ட்விட்டர் கடந்து வந்த பாதை!
சியோமி 12 ப்ரோ 5ஜி அம்சங்கள் (Xiaomi 12 Pro Specs)
புதிய சியோமி 5ஜி பிளாக்ஷிப் ஸ்மார்ட்போனில் 6.73″ இன்ச் WQHD+ (1,440×3,200 pixels) E5 2K AMOLED டிஸ்ப்ளே கொடுக்கப்பட்டுள்ளது. 120Hz ஹெர்ட்ஸ் ரெப்ரெஷ் ரேட், 480Hz டச் சாம்பிளிங் ரேட்டை இந்த டிஸ்ப்ளே பெறுகிறது. இதன் டிஸ்ப்ளே குறைந்த வெப்பம் கொண்ட polycrystalline oxide backplane தொழில்நுட்பத்தில் உருவாக்கப்பட்டது என்பது குறிப்பிடத்தக்கது. இது 1500 nits வரை பீக் பிரைட்னஸை ஆதரிக்கிறது.
இந்த டிஸ்ப்ளே கார்னிங் கொரில்லா கிளாஸ் விக்டஸ் பாதுகாப்பைக் கொண்டிருக்கிறது. லேட்டஸ்ட் Android 12 அடிப்படையிலான MIUI 13 ஸ்கின் மூலம் இந்த ஸ்மார்ட்போன் இயங்குகிறது. இந்த போனை இயக்க பிளாக்ஷிப்
Qualcomm Snapdragon
8 Gen 1 SoC புராசஸர் நிறுவப்பட்டுள்ளது. இது ஒரு சிறந்த பிளாக்ஷிப் சிப்செட் ஆகும்.
சியோமி 12 ப்ரோ 5ஜி கேமரா (Xiaomi 12 Pro Camera)
டிஸ்ப்ளே பஞ்ச் ஹோலில் 32MP மெகாபிக்சல் செல்பி கேமரா கொடுக்கப்பட்டுள்ளது. பின்பக்கம் முதன்மை சென்சாராக Sony IMX707 கொண்ட 50MP மெகாபிக்சல் OIS கேமரா, 50MP மெகாபிக்சல் போட்ரெய்ட் சென்சார், 50MP மெகாபிக்சல் அல்ட்ரா வைட் சென்சார் ஆகியவை கொண்ட மூன்று கேமரா சென்சார்கள் பிளாஷ் லைட்டுடன் கொடுக்கப்பட்டுள்ளது.
திசைகாட்டி, ப்ராக்ஸிமிட்டி, அக்செலெரோமீட்டர், சுற்றுப்புற ஒளி, கைரோஸ்கோப் ஆகிய சென்சார்கள் இந்த ஸ்மார்ட்போனில் கூடுதல் அம்சமாகப் பார்க்கப்படுகிறது. வைஃபை 6, ப்ளூடூத் 5.2, ஜிபிஎஸ், ஓடிஜி, எப்.எம், 3.5mm ஜாக், NFC ஆகிய இணைப்பு ஆதரவுகளையும் இந்த போன் கொண்டுள்ளது.
நோக்கியா இடத்திற்கு குறி: நறுக்குணு ரெண்டு பட்ஜெட் போன் – ரெட்மி 10ஏ; 10 பவர் அறிமுகம்!
சியோமி 12 ப்ரோ 5ஜி பேட்டரி (Xiaomi 12 Pro Battery)
டால்பி விஷன், ஸ்டீரியோ ஸ்பீக்கர்களுடன் டால்பி அட்மாஸ் ஒலி திறன் ஆகிய அம்சங்களும் இந்த ஸ்மார்ட்போனில் அடங்கி உள்ளது. ஸ்மார்ட்போனை சக்தியூட்ட 4,600mAh திறன் கொண்ட பேட்டரியுடன் வரும் இந்த ஸ்மார்ட்போனை ஊக்குவிப்பதற்காக Superfast 120W Sonic சார்ஜிங் ஆதரவு வழங்கப்பட்டுள்ளது.
சியோமி 12 ப்ரோ 5ஜி விலை (Xiaomi 12 Pro Price in India)
LPDDR5 ரேம் ஆதரவு, UFS 3.0 ஸ்டோரேஜ் மெமரி கொண்ட இந்த ஸ்மார்ட்போனின் 8GB+256GB வேரியண்டின் விலை ரூ.62,999ஆகவும், 12GB+256GB வேரியண்டின் விலை ரூ.66,999ஆகவும் நிர்ணயம் செய்யப்பட்டுள்ளது.
Xiaomi India மற்றும் Amazon India ஆகிய ஷாப்பிங் தளங்களில் இந்த ஸ்மார்ட்போன் மே 2 ஆம் தேதி முதல் விற்பனைக்காக கொண்டுவரப்படுகிறது. அறிமுகச் சலுகையாக, ஐசிஐசிஐ வங்கி வாடிக்கையாளர்களுக்கு Xiaomi 12 Pro ஸ்மார்ட்போனின் மீது ரூ.6,000 தள்ளுபடியை வழங்கப்படுகிறது. கூடுதலாக ரூ.4,000 அறிமுக சலுகை தள்ளுபடியும் உள்ளது. இதன் மூலம் அடிப்படை மாடலை வெறும் ரூ.52,999 செலுத்தி பயனர்கள் சொந்தமாக்கலாம்.