குறைந்த விலை ஸ்மார்ட்போன்களை பயனர்களுக்கு வழங்குவதில்
மோட்டோரோலா
நிறுவனம் தனித்துவமாக விளங்கி வருகிறது. இந்நிலையில் நிறுவனம் புதிய பிரீமியம் பட்ஜெட் ஸ்மார்ட்போனை இந்தியாவில் அறிமுகம் செய்யவுள்ளது.
Motorola
Edge 30 ஸ்மார்ட்போன் விரைவில் இந்தியாவுக்கு வருகிறது. மே 12 ஆம் தேதி இதன் வெளியீட்டு நிகழ்வு இருக்கும் என எதிர்பார்க்கப்படுகிறது. உலக சந்தையில் ரூ.36,000 விலையில் வெளியிடப்பட்ட இந்த ஸ்மார்ட்போனின் இந்திய பதிப்பின் விலையும், ரூ.30,000க்கும் மேல் தான் இருக்கும் என்று கணிக்கப்பட்டுள்ளது.
முன்னதாக Motorola நிறுவனம் வெளியிட்ட Motorola Edge 30 Pro ஸ்மார்ட்போனின் அடிப்படை வேரியண்டாக இந்த போன் களமிறக்கப்படுகிறது. வெளியாக இருக்கும் புதிய
மோட்டோ
போன் குறித்த கூடுதல் விவரங்களை அறிந்து கொள்ளலாம்.
ஓடவும் முடியாது… ஒளியவும் முடியாது – VPN நிறுவனங்களுக்கு புதிய விதிகள்!
மோட்டோரோலா எட்ஜ் 30 அம்சங்கள் (Motorola Edge 30 Specifications)
புதிய மோட்டோரோலா எட்ஜ் 30 ஸ்மார்ட்போனில், முழு அளவு எச்டி+ OLED டிஸ்ப்ளே கொடுக்கப்பட்டுள்ளது. இது HDR10+, 144Hz ஹெர்ட்ஸ் ரெப்ரெஷ் ரேட், 576Hz ஹெர்ட்ஸ் டச் சேம்பிளிங் ரேட் ஆகிய ஆதரவுடன் வருகிறது. இந்த ஸ்மார்ட்போன் பிரீமியம் பட்ஜெட் Qualcomm Snapdragon 778G+ சிப்செட் கொண்டு இயக்கப்படுகிறது.
ஆண்ட்ராய்டு 12 அடிப்படையிலான MYUX ஸ்கின் இந்த ஸ்மார்ட்போனை இயக்குகிறது. சில மோட்டோ கெஸ்டர்கள் தவிர இந்த ஸ்கின்னில் எந்த ப்ளோட்வேரும் இருக்காது என்று நிறுவனம் தெரிவித்துள்ளது. அதுமட்டும் இல்லாமல், 2 வருடங்களுக்கான ஆண்ட்ராய்டு அப்டேட் உத்தரவாதத்தையும் நிறுவனம் வழங்குகிறது.
இந்த ஸ்மார்ட்போன் கேமராவைப் பொருத்தவரை, பின்பக்கம் டிரிப்பிள் கேமரா அமைப்பு கொடுக்கப்பட்டுள்ளது. 50 மெகாபிக்சல் முதன்மை சென்சார் OIS + EIS உடன் வருகிறது. இதனுடன் 50 மெகாபிக்சல் வைட் ஆங்கிள் லென்ஸ், 2MP டெப்த் சென்சாரும் கொடுக்கப்பட்டுள்ளது. செல்பி மற்றும் வீடியோ அழைப்புகளுக்காக திறன்வாய்ந்த 32MP மெகாபிக்சல் கேமரா வழங்கப்பட்டுள்ளது.
மெமரி ஆப்ஷன்களை குறித்து பார்க்கையில், 8ஜிபி LPDDR5 ரேம் இதில் வழங்கப்படலாம். மேலும், 256ஜிபி வரையிலான UFS 3.1 ஸ்டோரேஜ் மெமரியும் இதில் கொடுக்கப்படும் என எதிர்பார்க்கப்படுகிறது. 5G, NFC, ப்ளூடூத் 5.2, வைஃபை 6 போன்ற இணைப்பு ஆதரவுகளை இந்த ஸ்மார்ட்போன் கொண்டிருக்கிறது.
Moto Edge 30
ஸ்மார்ட்போனை சக்தியூட்ட 4020mAh பேட்டரி கொடுக்கப்பட்டுள்ளது. இதனை டைப்-சி சார்ஜிங் போர்ட் வழியாக திறனூட்ட 33W டர்போ சார்ஜிங் ஆதரவு வழங்கப்பட்டுள்ளது. கூடுதலாக இதில் வயர்லெஸ் சார்ஜிங் அம்சமும் வழங்கப்படலாம்.
Xiaomi: விற்பனைக்கு வந்த சியோமி 12 ப்ரோ; ஒன்பிளஸ் 10 ப்ரோ நிலை என்னவாகும்!
போட்டி நிறுவன போன்கள்
மோட்டோரோலா எட்ஜ் 30 ஸ்மார்ட்போன், இதே சிப்செட் கொண்டு இயங்கும் போட்டி நிறுவனங்களின் ஸ்மார்ட்போன்களுக்கு ஈடாக விலையை நிர்ணயம் செய்தால், இது இப்பிரிவில் சிறந்த அம்சங்கள் கொண்ட ஸ்மார்ட்போனாக வலம்வர இயலாது.
இதே நிலையில் இருக்கும் Realme, Xiaomi மற்றும் Samsung நிறுவனங்களின் போன்கள், 120W வரை வேகமாக சார்ஜ் செய்யும் தொழில்நுட்பம், 108MP மெகாபிக்சல் வரை லென்ஸ் கொண்ட கேமரா, பின்பக்கம் கண்ணாடி கொண்ட பேனல், பெரிய பேட்டரிகள் போன்ற அம்சங்களை வழங்குகின்றன.