பற்றி எரியும் ராஜபக்சே வீடு: நீ விதைத்த வினையெல்லாம்.. தீயாய் பரவும் கமெண்ட்ஸ்!

இலங்கையில் பொருளாதார நெருக்கடியால் உருவான அசாதாரண நிலையால் நிலைமை நாளுக்கு நாள் மிகவும் மோசமாகி வருகிறது.

ராஜபக்சே
வீட்டுக்கு தீ வைக்கப்பட்ட நிலையில் அந்த புகைப்படத்தை பலரும் பகிர்ந்து ‘நீ விதைத்த வினையெல்லாம்..’என கமெண்ட் செய்து வருகின்றனர்.

இலங்கையில் பொதுமக்களின் போராட்டத்தை ராஜபக்சே குடும்பத்தினர் கண்டுகொள்ளாததன் விளைவாக, தலைநகர் கொழும்பு உள்பட நாடு முழுவதும் போராட்டம் தீவிரமாகி வருகிறது. எதிர்ப்பை சமாளிக்க முடியாமல் மகிந்த ராஜபக்சே நேற்று தனது பிரதமர் பதவியை ராஜினாமா செய்தார். இதனால் ஒட்டுமொத்த அமைச்சரவையும் கலைக்கப்பட்டது.

மக்கள் போராட்டம் எதிரொலி… நாட்டை விட்டு ஓடும் ராஜபக்சேக்கள்?
மகிந்த ராஜபக்சே தனது பதவியை ராஜினாமா செய்த சில மணி நேரங்களில் ராஜபக்சே சகோதரர்களின் பூர்வீக வீடான, அம்பாந்தோட்டையில் உள்ள மெதமுலனா இல்லம் போராட்டக்காரர்கள் தீவைக்கப்பட்டது. இதுதொடர்பான வீடியோக்கள் வெளியாகியுள்ளன. அதில், மெதமுலனா இல்லம் முழுவதுமாக எரிந்துகொண்டிருக்கிறது. இதேபோல் ராஜபக்சே அருங்காட்சியகம் போராட்டக்காரர்களால் தீவைக்கப்பட்டுள்ளது.

போராட்டக்காரர்களை துப்பாக்கியால் சுட்ட ஆளும் கட்சி எம்.பி. அமரகீர்த்தி அத்துகோரல அடித்துக் கொல்லப்பட்ட சம்பவமும் நிகழ்ந்தது. ஆளுங்கட்சி பிரமுகர்கள், மேயர்கள் உள்ளிட்டோரின் வீடுகளை போராட்டக்காரர்கள் அடித்து நொறுக்கியும், தீக்கிரையாக்கியும் வருகின்றனர். தொடர் வன்முறையை அடுத்து கொழும்பு நகரில் காலவரையற்ற ஊரடங்கு உத்தரவு அமல்படுத்தப்பட்டுள்ளது.

மக்களின் கோபம் அடங்காத நிலையில் நாட்டைவிட்டே ராஜபக்சே குடும்பம் தப்பியோட உள்ளதாகவும் கூறப்படுகிறது. ஏற்கெனவே மகிந்த ராஜபக்சேவின் இரண்டாவது மகனான நாமல் ராஜபக்சே தமது மனைவியுடன் வெளிநாட்டுக்கு தப்பி சென்றுவிட்டார்.

துப்பாக்கியால் சுட்ட எம்.பி.யை அடித்துக் கொன்ற பொதுமக்கள்!

பொது மக்களின் தாக்குதலுக்கு பயந்து கட்சி மற்றும் அரசின் உயர்மட்ட தலைவர்கள் பாதுகாப்பான இடங்களைத் தேடி செல்கின்றனர்.

மகிந்த ராஜபக்சே அதிபராக இருந்தபோது 2009 ஈழப் போரில் லட்சக்கணக்கான
தமிழ் மக்கள்
படுகொலை செய்யப்பட்டனர். இந்நிலையில் மக்கள் போராட்டம் காரணமாக தற்போது ராஜபக்சே வீடு தீவைக்கப்பட்டுள்ளதை பலரும் சமூக வலைதளங்களில் வரவேற்று பதிவிட்டு வருகின்றனர். ‘அரசியல் பிழைத்தோர்க்கு அறம் கூற்றாகும்’ என்று சிவப்பதிகார வரிகளை பகிர்ந்து வருகின்றனர்.

Leave a Comment

This site uses Akismet to reduce spam. Learn how your comment data is processed.