நாம் அனைவரும் பளபளப்பான, வலுவான முடிக்கு ஆசைப்படுகிறோம். ஆனால் அதை ஒரே இரவில் அடைய முடியாது. அதற்கு, ஒருவர் ஆரோக்கியமான உணவை உண்ண வேண்டும், மேலும் முடி எப்போதும் நீரேற்றமாகவும், எல்லா நேரங்களிலும் ஊட்டமளிப்பதாகவும் இருப்பதை உறுதிசெய்ய, டீப் கண்டிஷனிங் ஹேர் மாஸ்க்குகளை தவறாமல் பயன்படுத்த வேண்டும். அதை நீங்கள் கடையில் வாங்க வேண்டிய அவசியம் இல்லை.
சமையலறையில் கிடைக்கும் பொருட்களிலிருந்து நீங்களே சொந்தமாக ஹேர் மாஸ்க் செய்யலாம்
ஹேர் மாஸ்க் பயன்படுத்துவதன் மூலம், முடிக்கு அற்புதங்களைச் செய்யலாம். “ஷாம்பூவுக்குப் பிறகு, தலைமுடியை கண்டீஷனிங் செய்ய வேண்டும், ஹேர் மாஸ்க் பயன்படுத்துவதன் மூலம் அதை அடையலாம். முடியை மென்மையாகவும், ஊட்டமளித்து, வலுவாகவும் வைக்க ஹேர் மாஸ்க் அவசியம்.
ஹேர்மாஸ்க் எப்படி செய்வது?
தேவையான பொருட்கள்
ஒரு கிண்ணம் தயிர்
2 பழுத்த வாழைப்பழம்
அலோ வேரா ஜெல்
2 வைட்டமின் ஈ காப்ஸ்யூல்
எப்படி செய்வது?
மிக்ஸி ஜாரில், நறுக்கிய இரண்டு வாழைப்பழங்கள், ஒரு கிண்ணம் தயிர் சேர்க்கவும். இதில், 1 தேக்கரண்டி கற்றாழை ஜெல் மற்றும் 2-3 வைட்டமின் ஈ காப்ஸ்யூல் சேர்க்கவும். ஒரு நிமிடம் அரைக்கவும்.
உங்கள் தலைமுடியை ஒவ்வொரு வகுடாக பிரித்து பேஸ்டை தடவவும். 10 நிமிடங்கள் அப்படியே இருக்கட்டும், வழக்கம் போல் கழுவி, உங்கள் தலைமுடியை கண்டிஷனிங் செய்யவும்.
பலன்கள்
வாழைப்பழம் உங்கள் தலைமுடிக்கு சிறந்தது; பொடுகைத் தடுப்பதைத் தவிர, அவை உங்கள் உச்சந்தலையில் ஊட்டமளித்து, அதை ஈரப்பதமாக்குகிறது மற்றும் முடி நெகிழ்ச்சியையும் மேம்படுத்துகிறது.
தயிர், புரதம் நிறைந்தது மற்றும் சேதமடைந்த மயிர்க்கால்களை சரிசெய்கிறது மற்றும் இயற்கையான கண்டிஷனராக செயல்படுகிறது.
கற்றாழை ஜெல் பாக்டீரியா எதிர்ப்பு பண்புகளைக் கொண்டுள்ளது மற்றும் புரோட்டியோலிடிக் என்சைம்களைக் கொண்டுள்ளது, இது உச்சந்தலையில் இறந்த சரும செல்களை சரிசெய்ய வேலை செய்கிறது.
இறுதியாக, வைட்டமின் ஈ எண்ணெய் உற்பத்தியை சமப்படுத்துகிறது மற்றும் உங்கள் தலைமுடிக்கு இயற்கையான பிரகாசத்தை சேர்க்கிறது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
