வெறும் ரூ.9,000 பட்ஜெட்டில் வெளியான Lava Blaze ஸ்மார்ட்போன்!

Best Smartphone under 10000: ரூ. 10,000 பட்ஜெட்டில் கவர்ச்சிகரமான வடிவமைப்பு மற்றும் சிறந்த அம்சங்களைக் கொண்ட போனை நீங்கள் வாங்க வேண்டும் என்று நினைத்தால், உங்கள் காத்திருப்பை இந்திய நிறுவனமான Lava நிறுவனம் முடிவுக்குக் கொண்டுவந்துள்ளது.

இந்திய ஸ்மார்ட்போன் தயாரிப்பு நிறுவனமான லாவா வெறும் ரூ.9,000 பட்ஜெட்டில் Lava Blaze ஆண்ட்ராய்டு போனை அறிமுகம் செய்துள்ளது. இந்த போனில் பல சிறப்பான அம்சங்கள் அடங்கியுள்ளது. முக்கியமாக, போனின் பின்பக்கம் ஐபோன் 13 டிசைனைப் போலவே உள்ளது.

Telecom: 100 ரூபாய்க்கும் குறைவான 3 ரீசார்ஜ் திட்டங்கள்; தினசரி 2ஜிபி டேட்டா!

ரூ.9,000 பட்ஜெட்டில் வரும் Lava Blaze ஸ்மார்ட்போனின் விலை மற்றும் சிறப்பம்சங்கள் குறித்து விரிவாகக் காணலாம்.

லாவா பிளேஸ் விலை (Lava Blaze Price)

லாவா நிறுவனம் பிளேஸ் ஸ்மார்ட்போனை மிகக் குறைந்த விலையில் அறிமுகப்படுத்தியுள்ளது. ஆன்லைன் ஷாப்பிங் தளமான பிளிப்கார்ட் மூலம் இந்த போன் விற்பனைக்கு கொண்டுவரப்படுகிறது.

இந்த போன் ஜூலை 14 அன்று பகல் 12 மணிக்கு விற்பனைக்கு வரும். நிறுவனம் இந்த போனை வெறும் ரூ.8,699 விலையில் அறிமுகப்படுத்தியுள்ளது. இந்த போன் பல்வேறு வண்ணங்களில் கிடைக்கிறது.

போனை வாங்கும் போது வங்கி சலுகையின் பலனையும் பெறுவீர்கள். நீங்கள் ரூ.9,000 பட்ஜெட்டில் இந்திய நிறுவன ஸ்மார்ட்போனைத் தேடுகிறீர்களானால், லாவா பிளேஸ் ஸ்மார்ட்போன் உங்களுக்கு நல்ல தேர்வாக இருக்கும்.

லாவா பிளேஸ் சிறப்பம்சங்கள் (Lava Blaze Specifications)

லாவா பிளேஸ் ஸ்மார்ட்போன் 4ஜி இணைப்புடன் வருகிறது. இதில் 3ஜிபி ரேம், 64 ஜிபி உள்ளடக்க மெமரி உள்ளது. RAM PLUS அம்சத்துடன் 3ஜிபி வரை கூடுதலாக ரேம் மெமரி நீட்டித்து கொள்ள முடியும். போனை மீடியாடெக் ஹீலியோ ஏ22 (MediaTek Helio A22) புராசஸர் இயக்குகிறது.

Xiaomi Band 7 Pro: அறிமுகமானது சியோமியின் ஸ்மார்ட் பேண்ட் 7 ப்ரோ!

இந்த போனில் 6.5 இன்ச் எச்டி+ ஐபிஎஸ் டிஸ்ப்ளே உள்ளது. லாவா பிளேஸ் ஸ்மார்ட்போன் புகைப்படம் எடுப்பதற்காக மூன்று பின்புற கேமரா அமைப்புடன் வருகிறது. இதில் 13 மெகாபிக்சல் முதன்மை சென்சார் அடங்கிய டிரிப்பிள் AI பின்புற கேமரா உள்ளது.

செல்பி, வீடியோ அழைப்புகளை மேற்கொள்ள 8 மெகாபிக்சல் முன்பக்க கேமரா உள்ளது. இந்த போன் ஆண்ட்ராய்டு 12 இயங்குதளத்தில் வேலை செய்கிறது என்பது கூடுதல் சிறப்பாகப் பார்க்கப்படுகிறது.

குறைவான 3 ரீசார்ஜ் திட்டங்கள்; தினசரி 2ஜிபி டேட்டா!

பவர் பேக்கப்பிற்கான சக்திவாய்ந்த 5000mAh பேட்டரியை இந்த போன் கொண்டுள்ளது. பாஸ்ட் சார்ஜிங் ஆதரவும் இதற்கு வழங்கப்பட்டுள்ளது. போனின் வடிவமைப்பு ஐபோனை போன்று இருப்பதாக Lava Blaze நடுத்தர மக்களின் நாயகனாக வலம்வருவார் என்று எதிர்பார்க்கப்படுகிறது.

Leave a Comment

This site uses Akismet to reduce spam. Learn how your comment data is processed.