துல்கர் சல்மானின் ‘சீதா ராமம்’ தமிழ் ட்ரெய்லர் வெளியிடப்பட்டு வரவேற்பைப் பெற்று வருகிறது.
நடிகர் மம்முட்டியின் மகனும், நடிகருமான துல்கர் சல்மான் வித்தியாசமான கதைக்களங்களை தேர்ந்தெடுத்து நடித்து தனிக் கவனத்தை ஈர்த்து வருகிறார். சமீபத்தில் இவர் நடிப்பில் வெளியான ‘ஹே சினாமிகா’ மற்றும் ‘சல்யூட்’ படங்கள் நல்ல வரவேற்பைப் பெற்றன. இந்தப் படத்தை தொடர்ந்து, ஹனு ராகவப்புடி இயக்கத்தில் துல்கர் சல்மான் ‘சீதா ராமம்’ படத்தில் நடித்து வந்தார். இந்தப் படத்தில் துல்கர் சல்மான லெப்டினனென்டாக நடித்துள்ளார்.
அவருக்கு ஜோடியாக மிருணாள் தாக்கூர் நடித்துள்ளார். ராஷ்மிகா மந்தனா, இந்தப் படத்தில் முக்கிய கதாபாத்திரத்தில் நடித்துள்ளார். தமிழ், மலையாளம், தெலுங்கு, இந்தி ஆகிய மொழிகளில் உருவாகியுள்ள இந்தப் படத்தின் ஃப்ர்ஸ்ட் லுக் போஸ்டர் மற்றும் டீசர் சமீபத்தில் வெளியாகி வரவேற்பைப் பெற்றது. காதல் கதையாக உருவாகியுள்ள இந்தப் படத்தில், சுமந்த், கௌதம் மேனன், பிரகாஷ் ராஜ், தருண் பாஸ்கர், பூமிகா சாவ்லா ஆகியோர் நடித்துள்ளனர்.
#SitaRamam team @dulquer, @isumanth & @mrunal0801 at Tamil Trailer Launch #SitaRamamTamilTrailer 4pm today, launch by @Karthi_Offl.@iamRashmika @hanurpudi @AshwiniDuttCh @menongautham @Composer_Vishal @madhankarky @VyjayanthiFilms @SwapnaCinema @SonyMusicSouth @proyuvraaj pic.twitter.com/7GoOSw1P1x
— BA Raju’s Team (@baraju_SuperHit) July 26, 2022
ஸ்வப்னா சினிமா சார்பில் அஸ்வினி தத் தயாரித்துள்ள இந்தப் படத்தை வைஜெயந்தி மூவிஸ் வெளியிடுகிறது. தமிழ் திரையரங்க வெளியீட்டு உரிமையை லைகா நிறுவனம் கைப்பற்றியுள்ளது. பி.எஸ். வினோத் ஒளிப்பதிவு செய்துள்ளார். விஷால் சந்திரசேகர் இசையமைத்துள்ளார். ஆகஸ்ட் 5-ம் தேதி உலகம் முழுவதும் திரையரங்குகளில் வெளியாக உள்ளது.
இந்தப் படத்தின் தெலுங்கு ட்ரெய்லர் நேற்று வெளியான நிலையில், தமிழ் ட்ரெய்லர் இன்று வெளியாகி வரவவேற்பைப் பெற்று வருகிறது. இதில் காஷ்மீரில் லெப்டினனெட் ராம் 20 வருடங்களுக்கு முன்பு எழுதிய கடிதத்தை, சீதா மஹாலக்ஷ்மியிடம் ஒப்படைக்கும் பொறுப்பு ராஷ்மிகா மந்தனாவிடம் கொடுக்கப்படுகிறது. இதையடுத்து அவர் சீதா மஹாலக்ஷ்மியை தேடி அவர் செல்கிறார். ஆனால் அங்கு அவர் கிடைத்தாரா இல்லையா என்பதை சஸ்பென்ஸாக ட்ரெயிலரில் காட்டியுள்ளனர்.