Infinix Smart 6 Plus Price: இன்பினிக்ஸ் நிறுவனம் தனது புதிய பட்ஜெட் ஸ்மார்ட்போனை இந்திய சந்தைக்கு கொண்டுவந்துள்ளது. முழு எச்டி+ டிஸ்ப்ளே, நீட்டிக்கப்பட்ட ரேம் அம்சம், ஆண்ட்ராய்டு 12 இயங்குதளம் இதன் சிறப்புகளாக உள்ளன.
சமீபத்தில் நிறுவனம் வெளியிட்ட இன்பினிக்ஸ் ஸ்மார்ட் 6 போனின் மேம்படுத்தப்பட்ட மாடலாக இது வெளிவந்துள்ளது. இதன் விலை ரூ.8,000க்கும் குறைவு என்பது கூடுதல் சிறப்பு.
இன்பினிக்ஸ் ஸ்மார்ட் 6 பிளஸ் அம்சங்கள் (Infinix Smart 6 Plus Specifications)
புதிய இன்பினிக்ஸ் ஸ்மார்ட் 6 பிளஸ் ஸ்மார்ட்போனில் 6.82 அங்குல எச்டி+ திரை கொடுக்கப்பட்டுள்ளது. இது ஒரு டிராப் நாட்ச் உடன் வருகிறது. டிஸ்ப்ளே ஆனது 440 நிட்ஸ் பிரைட்னஸை கொண்டுள்ளது. திரை விகிதம் 90.6 விழுக்காடு பகிரப்பட்டுள்ளது.
மேலதிக செய்தி:
BSNL 4G: நாடு 5G சேவைக்கு தயார்; ஆனா அரசோட பிஎஸ்என்எல் 4ஜி சேவை அடுத்தாண்டு தான் அறிமுகமாம்!
ஆண்ட்ராய்டு 12 (Go Edition) இயங்குதளத்துடன் இந்த ஸ்மார்ட்போன் நிறுவப்பட்டுள்ளது. இதில் 3ஜிபி ரேம் வழங்கப்படும். ஆனால், நீட்டிக்கப்பட்ட ரேம் அம்சத்துடன் 6ஜிபி வர தேவைக்கேற்ப இது விரிவடையும். மீடியாடெக் ஹீலியோ ஜி25 சிப்செட் மூலம் இது இயங்குகிறது.
ஸ்மார்ட்போனின் பின்பக்க இரண்டு கேமரா கொண்ட அமைப்பும், ஒரு கைரேகை சென்சார் இருக்கிறது. கேமரா அமைப்பில், 8 மெகாபிக்சல் முதன்மை சென்சார் வழங்கப்பட்டுள்ளது. இது இரட்டை பிளாஷ் லைட்டுடன் வருகிறது.
மேலதிக செய்தி:
Redmi: பெரிய ரேம் மெமரியுடன் பட்ஜெட் ரெட்மி 10ஏ ஸ்போர்ட் ஸ்மார்ட்போன் அறிமுகம்!
செல்பி, வீடியோ அழைப்புகளுக்காக இது 5 மெகாபிக்சல் கேமரா சென்சார் கொண்டுள்ளது. 4G LTE, Wi-Fi, Bluetooth போன்ற இணைப்பு ஆதரவுடன் இந்த ஸ்மார்ட்போன் உள்ளது. இது தவிர ஜிபிஎஸ் போன்ற சென்சார்களும் இதில் கொடுக்கப்பட்டுள்ளது.
இன்பினிக்ஸ் ஸ்மார்ட் 6 பிளஸ் விலை (Infinix Smart 6 Plus Flipkart Price)
இந்தியாவில் இன்பினிக்ஸ் ஸ்மார்ட் 6 பிளஸ் மொபைலின் விலை ரூ.7,999 ஆக நிர்ணயம் செய்யப்பட்டுள்ளது. இது அறிமுக சலுகை என நிறுவனம் குறிப்பிட்டுள்ளது.
மேலதிக செய்தி:
மோடியால் போன் விற்பனை ஜோர்; PLI திட்டத்தால் கிடைத்த பலன்!
இது 3ஜிபி + 64ஜிபி வேரியண்டுக்கான விலை ஆகும். கிரிஸ்டல் வயலெட், சீ ப்ளூ, மிராக்கிள் பிளாக் ஆகிய மூன்று நிறத் தேர்வுகள் வழங்கப்பட்டுள்ளது. ஆகஸ்ட் 3ஆம் தேதி முதல் இதன் விற்பனை Flipkart ஷாப்பிங் தளத்தில் தொடங்குகிறது.