Infinix Hot 12 Pro Flipkart: இன்பினிக்ஸ் புதிய போனை ஆகஸ்ட் 2 அன்று இந்தியாவில் அறிமுகம் செய்கிறது. பட்ஜெட் விலையில் அறிமுகமாகும் என எதிர்பார்க்கப்படும் “இன்பினிக்ஸ் ஹாட் 12 ப்ரோ” வெளியீடு குறித்த மைக்ரோ தளத்தை பிளிப்கார்ட் திறந்துள்ளது.
அதில் போனை குறித்த சில தகவல்கள் மட்டும் வெளியிடப்பட்டுள்ளது. நிறுவனம் இந்த போனை #ProMultitasker என்று குறிப்பிடுகிறது. இந்த போனில் இரண்டு கேமராக்கள், எச்டி+ டிஸ்ப்ளே, பாஸ்ட் சார்ஜிங் ஆதரவு, நீட்டிக்கக்கூடிய ரேம் அம்சம் போன்ற பல அம்சங்கள் அடங்கியுள்ளன.
TikTok: வருகிறது டிக்டாக் மியூசிக்; அழுத்தத்தை தாங்குமா ஸ்பாடிஃபை?
இன்பினிக்ஸ் ஹாட் 12 ப்ரோ எதிர்பார்க்கப்படும் அம்சங்கள் – Infinix Hot 12 Pro Expected Specifications
புதிய இன்பினிக்ஸ் போனில் பெரிய 6.6 அங்குல எச்டி+ திரை கொடுக்கப்படும். இதன் ரெப்ரெஷ் ரேட் 90Hz ஆக இருக்கும். இதன் டச் சேம்பிளிங் ரேட் 180Hz ஆகும். ஆண்ட்ராய்டு 12 அடிப்படையிலான ஸ்கின் இந்த போனை இயக்கலாம்.
ஸ்மார்ட்போனில் 8ஜிபி ரேமும், 128ஜிபி UFS2.2 ஸ்டோரேஜ் மெமரியும் வழங்கப்படும். ரேம் மெமரியை பொருத்தவரை நீட்டிக்கக்கூடியதாக இருக்கும். இதனை 13ஜிபி வரை நீட்டிக்க முடியும் என்று நிறுவனம் தெரிவித்துள்ளது.
இன்பினிக்ஸ் ஹாட் 12 ப்ரோ இரண்டு பின்பக்க கேமரா அமைப்புடன் வருகிறது. இதில் 50 மெகாபிக்சல் முதன்மை சென்சார் கொடுக்கப்படும். கேமரா அமைப்பின் அருகில் கைரேகை சென்சாரும் இடம்பெறும்.
போனை சக்தியூட்ட 5,000mAh பேட்டரி வழங்கப்படும். இதனை ஊக்குவிக்க டைப்-சி வழியிலான 18W பாஸ்ட் சார்ஜிங் வசதி கிடைக்கும். பச்சை நிறத்தில் தோற்றமளிக்கும் இந்த ஸ்மார்ட்போன், எத்தனை நிறங்களில் வெளியிடப்படும் என்பது குறித்த எந்த தகவலும் இல்லை.
மேலும், போனின் விலை குறித்தும் நிறுவனம் எந்த தகவலையும் வெளியிடவில்லை என்றாலும், ரூ.15,000க்கும் கீழ் இந்த போனின் விலை நிர்ணயம் செய்யப்படும் என்று எதிர்பார்க்கப்படுகிறது. பிளிப்கார்ட் தளத்தில் ஆகஸ்ட் 2ஆம் தேதி பகல் 12 மணிக்கு இந்த ஸ்மார்ட்போன் வெளியிடப்படுகிறது என்பது உறுதியாகியுள்ளது.
PUBG போல, BGMI கேமுக்கும் ஆப்பு! ஏன்… எதற்காக… விளையாட வழி இருக்கா?
இன்பினிக்ஸ் நோட் 12 5ஜி
நிறுவனம் சமீபத்தில் இரண்டு ஸ்மார்ட்போன்களை இந்திய டெக் சந்தையில் அறிமுகம் செய்தது. இன்பினிக்ஸ் நோட் 12, நோட் 12 ப்ரோ 5ஜி ஆகிய இந்த ஸ்மார்ட்போன்களில் பல சிறப்பம்சங்கள் உள்ளன.
புதிய இன்பினிக்ஸ் 5ஜி ஸ்மார்ட்போனில், அமோலெட் டிஸ்ப்ளே, மீடியாடெக் புராசஸர், 108 மெகாபிக்சல் முதன்மை கேமரா, பாஸ்ட் சார்ஜிங் ஆதரவு போன்ற பல சிறப்பம்சங்கள் உள்ளது. ஆன்லைன் ஷாப்பிங் தளமான பிளிப்கார்ட்டில் இந்த ஸ்மார்ட்போனை நல்ல விலையில் வாங்க முடியும்.
ஃபோட்டோஸ்:
உலகம் அழியும் முன் ‘கடைசி செல்ஃபிகள்’ எப்படி இருக்கும்? AI கணித்த கொடூரமான புகைப்படங்கள்!
அறிமுக சலுகையாக இந்த போனின் விலை ரூ.14,999 என நிர்ணயம் செய்யப்பட்டுள்ளது. ஆக்சிஸ் வங்கி கிரெடிட் அல்லது டெபிட் கார்டு பயனர்களுக்கு கூடுதலாக ரூ.1,500 தள்ளுபடி கிடைக்கிறது.
Infinix-Hot-12-Pro விவரங்கள்முழு அம்சங்கள்ஃபெர்பார்மன்ஸ்MediaTek Helio G35சேமிப்பகம்128 GBபேட்டரி6000 mAhஇந்திய விலை14566டிஸ்பிளே6.6 inches (16.6 cm)ரேம்6 GBமுழு அம்சங்கள்