பத்து தல : கேங்ஸ்டர் கெட்டப் கிளிப் வெளியானது
வெங்கட் பிரபு இயக்கத்தில் நடித்த மாநாடு படத்தை தொடர்ந்து தற்போது வெந்து தணிந்தது காடு, பத்து தல போன்ற படங்களில் நடித்து வருகிறார் சிம்பு. இதில் கௌதம் மேனன் இயக்கத்தில் நடித்துள்ள வெந்து தணிந்தது காடு படம் செப்டம்பர் 15ஆம் தேதி திரைக்கு வர உள்ளது. சிம்புவுக்கு ஜோடியாக சித்தி இத்னானி நடித்துள்ள இப்படத்தின் டீசர் மற்றும் இரண்டு சிங்கிள்கள் வெளியாகி வரவேற்பு பெற்றது. அதையடுத்து கிருஷ்ணா இயக்கும் பத்து தல படத்தில் தற்போது நடித்துக் கொண்டிருக்கிறார் சிம்பு. அவருடன் கௌதம் கார்த்திக், கௌதம் மேனன், கலையரசன், பிரியா பவானி சங்கர் உட்பட பலர் நடிக்கும் இந்த படத்தில் சிம்பு கேங்ஸ்டர் வேடத்தில் நடிக்கிறார். தற்போது அப்படத்தின் கிளிப்ஸ் வீடியோ ஒன்று வெளியிடப்பட்டுள்ளது. அதில் கருப்பு நிற உடை அணிந்து பிளாக் பெப்பர் கெட்டப்பில் காணப்படுகிறார் சிம்பு. அதோடு அவரது மடியில் ஒரு சிறுமியை வைத்திருக்க, அவருக்கு பின்னால் நடிகை அனுசித்தாரா நின்று கொண்டிருக்கிறார். இந்த கிளிப்ஸ் வீடியோவை சிம்பு ரசிகர்கள் வைரலாக்கி வருகிறார்கள்.