கடந்த 11 ஆம் தேதி வெளியான அஜித்தின் ‘துணிவு’ படம் பாக்ஸ் ஆபிசில் பட்டையை கிளப்பி வருகிறது. நடிகர் அஜித், எச்.வினோத், போனி கபூர் கூட்டணியில் கடந்த 2019 ஆம் ஆண்டு வெளியான நேர்கொண்ட பார்வை படம் மாபெரும் வரவேற்பை பெற்றது. அதனை தொடர்ந்து இரண்டாவது முறையாக கிட்டத்தட்ட மூன்றாண்டுகள் கழித்து அதே கூட்டணியில் கடந்த ஆண்டு பிப்ரவரி மாதம் ‘வலிமை’ படம் வெளியானது.
‘வலிமை’ படம் வசூலில் சக்கை போடு போட்டாலும், ரசிகர்களின் எதிர்பார்ப்பினை முழுமையாக பூர்த்தி செய்யவில்லை. மேலும் இந்தப்படத்தில் அஜித்தின் லுக் மிக மோசமாக விமர்சிக்கப்பட்டது. வலிமையை தொடர்ந்து மூன்றாவது முறையாக ‘துணிவு’ படத்தில் வினோத், போனி கபூர், அஜித் மூவரும் இணைந்தனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
கடந்த 11 ஆம் தேதி வெளியான இந்தப்படம் ரசிகர்கள் மத்தியில் அமோக வரவேற்பினை பெற்று வருகிறது. முதல் பாதி முழுக்கவும் அஜித் ரசிகர்களுக்கு செம்ம ட்ரீட்டாகவும், இரண்டாம் பாதி வங்கி சம்பந்தமாக மக்களுக்கு விழிப்புணர்வு அளிக்கும் வகையில் உருவாகியுள்ளது. இந்தப்படம் உலகளவில் 200 கோடியை தாண்டி வசூல் சாதனை படைத்து வருவதாக கூறப்படுகிறது
இந்நிலையில் அஜித்தின் அடுத்த படமான ’ஏகே 62’ படத்தை விக்னேஷ் சிவன் இயக்க இருப்பதாகவும், லைகா நிறுவனம் தயாரிக்க இருப்பதாகவும், அனிருத் இசையமைக்க இருப்பதாகவும் ‘துணிவு’ ரிலீசுக்கு முன்பாகவே அதிகாரபூர்வமாக அறிவிக்கப்பட்டது. ‘காத்து வாக்குல ரெண்டு காதல்’ படத்திற்கு பிறகு அஜித்தை இயக்கவுள்ளார் விக்னேஷ் சிவன்.
Varisu: அது தெரிஞ்சுதான் ‘வாரிசு’ படத்தில் நடிச்சேன்: ராஷ்மிகா கூறிய பரபரப்பு தகவல்.!
இந்தப்படத்தில் ஐஸ்வர்யாராய் கதாநாயகியாக நடிக்கவுள்ளதாக தகவல்கள் வெளியானது. முன்னதாக கடந்த 2000 ஆம் ஆண்டில் வெளியான ‘கண்டுகொண்டேன் கண்டுகொண்டேன்’ படத்தில் இருவரும் இணைந்து நடித்து இருந்தனர். மேலும் அரவிந்த் சாமி, சந்தானம், அர்ஜுன் தாஸ் உள்ளிட்டோரும் இந்தப்படத்தில் நடிக்கவுள்ளதாக கூறப்படுகிறது.
Captain Miller: அடேங்கப்பா.. தனுஷ் தீயா இருக்காரே: ‘கேப்டன் மில்லர்’ படத்தின் தாறுமாறு அப்டேட்.!
விக்னேஷ் சிவன் முந்தைய படங்கள் ரொமான்ஸ் மற்றும் காமெடி ஜானரில் வெளியாகி வந்த நிலையில் ‘ஏகே 62’ படம் எப்படி இருக்கும் என்ற எதிர்பார்ப்பு ரசிகர்கள் மத்தியில் எழுந்துள்ளது. இந்நிலையில் லேட்டஸ்ட் தகவலாக இந்தப்படத்தில் ஆக்ஷன் மற்றும் ரொமான்ஸ் இரண்டுமே இருக்கும் என்று தகவல்கள் கசிந்துள்ளது. இந்த செய்தி ஏகே ரசிகர்கள் மத்தியில் கொண்டாட்டத்தை ஏற்படுத்தியுள்ளது.