தமிழ் சினிமாவில் உச்ச நட்சத்திரங்களில் ஒருவராக வலம் வருகின்றார் அஜித். இவரை வெற்றி தோல்விக்கு அப்பாற்பட்டு ரசிகர்கள் ரசித்து வருகின்றனர். என்னதான் இவரின் படங்கள் படுதோல்வி அடைந்தாலும் ரசிகர்கள் இவரை கைவிடவில்லை. தங்கள் நாயகன் மீண்டும் வெற்றிப்பாதைக்கு கண்டிப்பாக திரும்புவார் என அவர்கள் அஜித்தின் மீது அதீத நம்பிக்கை வைத்துள்ளனர்.
அந்த நம்பிக்கையை துணிவு படத்தின் மூலம் மீண்டும் காப்பாற்றியுள்ளார் அஜித். இதற்கு முன்பு வெளியான வலிமை திரைப்படம் எதிர்பார்த்த வெற்றியை பெறவில்லை. என்னதான் வசூல் ரீதியாக வலிமை வெற்றிப்படம் என சொன்னாலும் கடுமையான விமர்சனங்களை சந்தித்தது.
AK 62: AK62 ..தீயாய் பரவும் வதந்திக்கு வைக்கப்பட்ட முற்றுப்புள்ளி..!
இதையடுத்து சமீபத்தில் வெளியான துணிவு திரைப்படம் மிகப்பெரிய வெற்றியை பெற்றுள்ளது. வினோத் மற்றும் அஜித்தின் கூட்டணியில் வெளியான மூன்றாவது படமான துணிவு திரைப்படத்தையும் போனி கபூர் தான் தயாரித்திருந்தார்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
வசூல் ரீதியாகவும் விமர்சன ரீதியாகவும் மிகப்பெரிய வெற்றியை துணிவு பெற்றதால் அஜித் மகிழ்ச்சியாக இருப்பதாக தகவல்கள் வந்தன. ஆனால் துணிவு படத்தின் படப்பிடிப்பின் போது அஜித்திற்கும் போனி கபூருக்கும் இடையே மனஸ்தாபம் ஏற்பட்டதாக சில செய்திகள் வெளியாகின.
அஜித்தின் சம்பளத்தை தர போனி கபூர் தாமதம் செய்ததாகவும், அதன் காரணமாக கடுப்பான அஜித் பைக் ரைட் சென்றதாகவும் தகவல்கள் வந்தன. ஆனால் இது உண்மையா இல்லை வதந்தியா என தெரியவில்லை என்பது குறிப்பிடத்தக்கது.