அஜித் தற்போது துணிவு படத்தின் வெற்றியின் மூலம் புது உத்வேகத்துடன் காணப்படுகின்றார். இதற்கு முன்பு வெளியான வலிமை திரைப்படம் எதிர்பார்த்த வெற்றியை பெறாத காரணத்தால் கட்டாய வெற்றியை பெறவேண்டிய நிலைக்கு தள்ளப்பட்டார் அஜித்.
எனவே சமீபத்தில் வெளியான துணிவு திரைப்படம் மிகப்பெரிய வெற்றியை பெற்று அஜித் எதிர்பார்த்த வெற்றியை தேடி தந்தது. இதையடுத்து அஜித் விக்னேஷ் சிவன் இயக்கத்தில் AK62 திரைப்படத்தில் நடிப்பதாக சொல்லப்பட்டது. பல மாதங்களுக்கு முன்பே இப்படத்தின் அதிகாரபூர்வ அறிவிப்பும் வெளியானது.
AK 62: AK62 ..தீயாய் பரவும் வதந்திக்கு வைக்கப்பட்ட முற்றுப்புள்ளி..!
ஆனால் கடந்த சில நாட்களாக AK62 திரைப்படத்திலிருந்து விக்னேஷ் சிவன் நீக்கப்பட்டதாக செய்திகள் வருகின்றன. விக்னேஷ் சிவன் கதையில் அஜித் மற்றும் லைக்காவிற்கு உடன்பாடு இல்லாத காரணத்தால் விக்னேஷ் சிவனை நீக்கிவிட்டு வேறு இயக்குனரை தேர்ந்தெடுக்கும் பணியில் லைக்கா இறங்கியுள்ளதாக தெரிகின்றது.
Playhouse to Mammootty Company – நடிகர் மம்மூட்டி Express…
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
ஆனாலும் இதைப்பற்றி அதிகாரபூர்வமாக எந்த தகவலும் வெளியாகவில்லை. இந்நிலையில் இந்தாண்டு தீபாவளிக்கு வெளியாகவிருந்த AK62 திரைப்படம் தள்ளிப்போகும் வாய்ப்பு இருக்கின்றதாம். எப்படி பார்த்தாலும் AK62 திரைப்படம் ஆரம்பமாக காலதாமதம் ஏற்படும் என்பதால் தீபாளிக்கு இப்படம் வெளியாக வாய்ப்பில்லையாம்.
இதையடுத்து ஆகஸ்ட் மாதம் வெளியாகவுள்ள ரஜினியின் ஜெயிலர் திரைப்படம் தீபாவளிக்கு தள்ளப்படும் என பேசப்பட்டு வருகின்றது. தீபாளிக்கு தளபதி 67 மற்றும் AK62 வெளியாகும் வாய்ப்புகள் இருந்தன. ஆனால் தற்போது இரண்டு படங்களும் தீபாவளிக்கு வெளியாகும் வாய்ப்புகள் குறைவு என்பதால் ரஜினியின் ஜெயிலர் திரைப்படம் தீபாவளிக்கு வெளியாகும் என் தெரிகின்றது.
இதன் காரணமாக ரஜினி ரசிகர்கள் சற்று வருத்தத்தில் இருக்கின்றார்கள். ஏப்ரல் மாதமே வெளியாகும் என எதிர்பார்க்கப்பட்ட ஜெயிலர் திரைப்படம் ஆகஸ்ட் மாதம் தள்ளிவைக்கப்பட்டது. தற்போது மேலும் தீபாவளிக்கு ஜெயிலர் ரிலீஸ் தள்ளிப்போனதால் ரசிகர்கள் வருத்தத்தில் இருக்கின்றனர் என்பது குறிப்பிடத்தக்கது.