AK62: சொல்லாமல் சொல்லி காட்டிய விக்கி..சைலண்டாக செய்த சம்பவம்..குழப்பத்தில் ரசிகர்கள்..!

கடந்த சில நாட்களாக அஜித்தின் AK62 படத்தைப்பற்றிய பேச்சுதான் இணையத்தில் வைரலாகி வருகின்றது. துணிவு படத்தின் வெற்றியை தொடர்ந்து அஜித் அடுத்ததாக விக்னேஷ் சிவனின் இயக்கத்தில் AK62 படத்தில் நடிப்பதாக இருந்தது. இதற்கான அதிகாரபூர்வ அறிவிப்பும் பல மாதங்களுக்கு முன்பு வெளியிடப்பட்டது.

இதையடுத்து ஜனவரி மாதம் இப்படத்தின் படப்பிடிப்பு துவங்குவதாக இருந்த நிலையில் திடீரென AK62 படத்திலிருந்து விக்னேஷ் சிவன் நீக்கப்பட்டதாக பரபரப்பாக பேசப்பட்டு வருகின்றது. விக்னேஷ் சிவன் சொன்ன கதை அஜித்திற்கும் லைக்கா நிறுவனத்திற்கும் பிடிக்காமல் போனதால் இப்படத்திலிருந்து விக்னேஷ் சிவன் அதிரடியாக நீக்கப்பட்டதாக தகவல்கள் தீயாய் பரவின.

AK 62: AK 62 திரைப்படத்தால் தள்ளிப்போகும் ஜெயிலர் ரிலீஸ்? குமுறும் ரஜினி ரசிகர்கள்..!

மேலும் AK62 படத்தை விஷ்ணு வர்தன் அல்லது மகிழ் திருமேனி போன்ற இயக்குனர்களில் ஒருவர் தான் இயக்குவார் எனவும் பேசப்பட்டு வருகின்றது. இந்நிலையில் சமீபத்தில் இயக்குனர் விக்னேஷ் சிவன் ட்விட்டரில் செய்த காரியம் ஒன்று ரசிகர்களை குழப்பமடைய செய்துள்ளது.

என்னவென்றால் AK62 படத்தின் OTT உரிமையை NETFLIX நிறுவனம் கைப்பற்றியுள்ளது. இதன் அறிவிப்பை அந்நிறுவனம் ட்விட்டரில் அதிகாரபூர்வமாக அறிவித்திருந்தது. தற்போது இந்த போஸ்டை விக்னேஷ் சிவன் லைக் செய்துள்ளார்.

இதன் மூலம் AK62 படத்தின் இயக்குனர் நான் தான் என விக்னேஷ் சிவன் சொல்லாமல் சொல்கின்றார் என சிலர் கூறி வருகின்றனர். மேலும் சில ரசிகர்கள் விக்னேஷ் சிவனின் இந்த செயலால் குழப்பத்திலும் இருக்கின்றனர். படக்குழுவே அதிகாரபூர்வமாக அறிவித்தால் தான் ரசிகர்களின் குழப்பம் தீரும் என்பது குறிப்பிடத்தக்கது.

Leave a Comment

This site uses Akismet to reduce spam. Learn how your comment data is processed.