சமீபகாலமாக சமூக வலைத்தளம் முழுக்கவே விஜய்யின் ‘தளபதி 67’ படம் குறித்த பேச்சுக்களே நிரம்பி வழிகிறது. இந்தப்படத்தின் அறிவிப்பு எப்போது வரும், எப்போது வரும் என்ற உச்சக்கட்ட எதிர்பார்ப்பில் இருந்தனர் ரசிகர்கள். இந்நிலையில் ‘தளபதி 67’ படம் குறித்த அதிரடியான அதிகாரப்பூர்வ அறிவிப்பை படக்குழுவினர் வெளியிட்டுள்ளனர்.
கடந்த 11 ஆம் தேதி விஜய் நடிப்பில் வெளியான ‘வாரிசு’ படம் திரையரங்குகளில் வெற்றிகரமாக ஓடி வருகிறது. நீண்ட இடைவேளைக்கு பின் பேமிலி செண்டிமென்ட் கதையம்சம் கொண்ட படத்தில் நடித்துள்ளார் விஜய். இந்தப்படம் உலகளவில் 300 கோடிக்கும் அதிகமாக வசூலித்துள்ளதாக கூறப்படுகிறது. ‘வாரிசு’ படத்தினை தொடர்ந்து விஜய் நடிக்கவுள்ள அடுத்த படத்தை லோகேஷ் கனகராஜ் இயக்கவுள்ளார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
‘விக்ரம்’ படத்தின் பிரம்மாண்ட வெற்றிக்கு பிறகு லோகேஷ் கனகராஜ் இயக்கவுள்ள படத்திற்கு ரசிகர்கள் மத்தியில் எக்கச்சக்க எதிர்பார்ப்பு கிளம்பியுள்ளது. கமல், விஜய் சேதுபதி, பகத் பாசில் உள்ளிட்ட நட்சத்திர பட்டாளங்கள் நடிப்பில் வெளியான இந்தப்படம் இன்டஸ்ட்ரி ஹிட்டடித்தது. இந்தப்படத்தின் பிரம்மாண்ட வெற்றியை தொடர்ந்து விஜய்யை இயக்கவுள்ளார் லோகேஷ்.
இந்நிலையில் ரசிகர்கள் நீண்ட நாட்களாக எதிர்பார்த்த ‘தளபதி 67’ படத்தின் அதிகாரப்பூர்வ அறிவிப்பு தற்போது வெளியாகியுள்ளது. இது தொடர்பாக செவன் ஸ்கிரீன் ஸ்டுடியோ வெளியிட்டுள்ள அறிக்கையில், ஏற்கனவே விஜய் நடித்த வாரிசு மற்றும் மாஸ்டர் ஆகிய படங்களை தொடர்ந்து மூன்றாவது முறையாக ‘தளபதி 67’ படத்தில் இணைந்தது மகிழ்ச்சி. தற்காலிகமாக இப்படத்திற்கு ‘தளபதி 67’ என பெயர் வைத்துள்ளோம்.
Ram, Shiva: மிர்ச்சி சிவா – ராம் கூட்டணியில் புதிய படம்: எதிர்பார்ப்பை கிளப்பும் காம்பினேஷன்.!
இப்படத்தை, இயக்குனர் லோகேஷ் கனகராஜ் இயக்குகிறார். எஸ்.எஸ். லலித் குமார் மற்றும் கோ புரடியூசர் ஜெகதீஷ் பழனிச்சாமி ஆகியோர் தயாரிக்க உள்ளனர். ராக் ஸ்டார் அனிருத் நான்காவது முறையாக விஜய் படத்திற்கு இசையமைக்கவுள்ளார். மேலும் இப்படத்திற்கு, மனோஜ் பாரமஹம்சா ஒளிப்பதிவாளாராகவும், பிலோமின் ராஜ் படத்தொகுப்பாளராக பணியாற்றவுள்ளனர்.
Pathu Thala: ‘பத்து தல’ படத்தின் வெறித்தனமான அப்டேட்: மாஸ் காட்டும் சிம்பு.!
மேலும், தினேஷ் மாஸ்டர் நடனம் அமைக்கவுள்ளதாகவும், ‘விக்ரம்’ படத்தில் பணியாற்றிய அன்பறிவ் சண்டை காட்சி அமைப்பதாகவும் தெரிவித்துள்ளனர். அதே போல் இயக்குனர் லோகேஷ் கனகராஜுடன் இணைத்து, ரத்னகுமார் மற்றும் தீராஜ் வைத்தி ஆகியோர் வசனம் எழுதவுள்ளதாகவும் தெரிவிக்கப்பட்டுள்ளது. விரைவில் இப்படத்தின் மற்ற அறிவிப்பு வெளியாகும் என்றும் கூறப்பட்டுள்ளது. இதனால் ரசிகர்கள் மகிழ்ச்சியடைந்துள்ளனர்.