Vijay: இந்த வாரம் தளபதி 67 வாரமாம். தினமும் மாலை அப்டேட் கொடுத்து விஜய் ரசிகர்களை திக்குமுக்காட வைக்கப் போகிறார்களாம்.
தளபதி 67வாரிசு படத்தை அடுத்து விஜய் நடித்து வரும் படத்தை தற்போதைக்கு தளபதி 67 என அழைக்கிறார்கள். லோகேஷ் கனகராஜ் இயக்கி வரும் அந்த படத்தில் அர்ஜுன், சஞ்சய் தத், கவுதம் மேனன், மிஷ்கின் என ஒரு வில்லன் கூட்டமே இருக்கிறது. தளபதி 67 படம் LCU கதையாம். அதனால் உலக நாயகன் கமல் ஹாசன், ஃபஹத் ஃபாசில் ஆகியோரையும் தளபதி படத்தில் பார்க்கலாம் என்று கூறப்படுகிறது.
லோகேஷ்தளபதி 67 பட வேலை துவங்கியதில் இருந்து சத்தமில்லாமல் இருக்கிறார் லோகேஷ் கனகராஜ். பாஸ், ஏதாச்சும் அப்டேட் கிப்டேட் கொடுத்தால் நன்றாக இருக்கும் அல்லவா என விஜய் ரசிகர்கள் கேட்டு வந்தார்கள். ஒரு அப்டேட் என்ன நண்பா, இந்த வாரம் முழுக்க அப்டேட் தருகிறோம் என்று கூறி, விஜய் ரசிகர்களுக்கு இன்ப அதிர்ச்சி அளித்துள்ளனர்.
அப்டேட் வாரம்தளபதி 67 அப்டேட் வாரத்தின் முதல்கட்டமாக இன்று மாலை 6.07 மணிக்கு முதல் அப்டேட் வருகிறது. ஆறையும், ஏழையும் கூட்டிப் பார்த்து 13 என்று சொல்ல வேண்டாம். 67ஐ குறிக்கும் வகையில் தான் 6.07 மணிக்கு அப்டேட் விடுகிறார்கள். இருக்கு, இன்று மாலை சிறப்பான தரமான சம்பவம் இருக்கு. தளபதியன்ஸ் எல்லாம் இப்போவே ட்விட்டர் பக்கம் வந்துவிடுங்கள் என்கிறார்கள் விஜய் ரசிகர்கள்.
த்ரிஷாதளபதி 67 படத்தில் விஜய்க்கு ஜோடியாக நடிக்கிறாராம் த்ரிஷா. பல ஆண்டுகள் கழித்து விஜய்யுடன் ஜோடி சேர்ந்திருக்கிறார். விஜய்க்கு ராசியான ஹீரோயின் என்பதால் தளபதி 67 மீதான எதிர்பார்ப்பு மேலும் எகிறிவிட்டது. பிக் பாஸ் 6 நிகழ்ச்சி மூலம் பிரபலமான ஜனனியும் தளபதி 67 படத்தில் நடிக்கிறார். எடுத்த எடுப்பிலேயே விஜய்ணா படம், ஜனனிக்கு வாழ்வு தான் என்கிறார்கள் பிக் பாஸ் பார்வையாளர்கள்.
வாரிசுவம்சி பைடிபல்லி இயக்கத்தில் விஜய் நடிப்பில் பொங்கல் பண்டிகை ஸ்பெஷலாக வெளியான வாரிசு படம் ரூ. 300 கோடியை நெருங்கிக் கொண்டிருக்கிறது. அந்த சந்தோஷத்தில் இருக்கும் விஜய் ரசிகர்களுக்கு, தளபதி 67 அப்டேட் வரும் சந்தோஷம் வேறு. இந்த வாரம் நமக்கு சம்பவ வாரம், கொண்டாட்டம் தான். கொண்டாட்டத்தை ஆரம்பிக்கலாமா நண்பா, நண்பி என்கிறார்கள் விஜய் ரசிகர்கள். மாஸ்டரில் விஜய்க்கு செய்ததை தளபதி 67 படத்தில் செய்ய மாட்டார் லோகேஷ் என ரசிகர்கள் நம்புகிறார்கள் என்பது குறிப்பிடத்தக்கது.
Varisu, Vijay: சத்தமே இல்லாமல் ஒரே கல்லில் மூனு மாங்காய் அடிச்ச விஜய்