Thalapathy 67: இனிமே பட்டாசு தான்: சரவெடியாய் வெளியான 'தளபதி 67' அப்டேட்.!

விஜய் ரசிகர்கள் பெரிதும் எதிர்பார்த்த ‘தளபதி 67’ படம் குறித்த அதிகாரப்பூர்வ அறிவிப்பு நேற்றைய தினம் வெளியானது. இதனால் தளபதி ரசிகர்கள் கொண்டாட்டத்தில் உள்ளனர். இந்நிலையில் இன்று இந்தப்படத்தில் நடிக்கவுள்ள நடிகர், நடிகைகள் குறித்த தகவல்கள் வெளியாகி சோஷியல் மீடியாவை கலக்கி வருகிறது.

கடந்த ஜனவரி 11 ஆம் தேதி வெளியான ‘வாரிசு’ ரசிகர்கள் மத்தியில் அமோக வரவேற்பை பெற்று வருகிறது. தொடர்ச்சியாக ஆக்ஷன் படங்களில் நடித்து வந்த விஜய், ‘வாரிசு’ படம் மூலம் பேமிலி சென்டிமென்ட் கதையம்சத்தில் நடித்திருந்தார். தமிழ், தெலுங்கு மொழியில் வெளியான இந்தப்படத்தை வம்சி பைடிபல்லி இயக்கினார். தில் ராஜு தயாரித்திருந்தார். மேலும் தமன் இந்தப்படத்திற்கு இசையமைத்திருந்தார்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

ராஷ்மிகா மந்தனா ஹீரோயினாக நடித்த இந்தப்படத்தில் சரத்குமார், பிரபு, பிரகாஷ் ராஜ், எஸ்.ஜே. சூர்யா, ஷாம், ஸ்ரீகாந்த், சங்கீதா ஜெயசுதா, யோகிபாபு, ஸ்ரீமன், ஜான் விஜய், விடிவி கணேஷ் உள்ளிட்ட பல முன்னணி நட்சத்திரங்கள் விஜய்யுடன் இணைந்து நடித்தனர். கடந்த 11 ஆம் தேதி வெளியான இந்தப்படம் பாக்ஸ் ஆபிசில் 300 கோடியை கடந்து வசூல் சாதனை படைத்து வருவதாக கூறப்படுகிறது.

Thalapathy 67: ‘தளபதி 67 படத்தில் நடிக்கவில்லை: பான் இந்தியா நடிகர் முடிவால் ரசிகர்கள் ஷாக்.!

இந்நிலையில் ரசிகர்கள் பெரிதும் எதிர்பார்த்த ‘தளபதி 67’ படம் குறித்த அதிகாரப்பூர்வ அறிவிப்பு நேற்றைய தினம் வெளியானது. செவன் ஸ்கீரின் ஸ்டுடியோ தயாரிக்கும் இந்தப்படத்திற்கு அனிருத் இசையமைக்கிறார். இன்று இந்தப்படத்தில் நடிக்கவுள்ள மற்ற நடிகர், நடிகைகள் குறித்த தகவல்கள் வெளியாகி இணையத்தை கலக்கி வருகிறது.

Pradeep Ranganathan: சிம்பு இடத்தை நிரப்பும் பிரதீப் ரங்கநாதன்: இது நம்ம லிஸ்ட்லயே இல்லயே.!

அதன்படி இந்தப்படத்தில் சஞ்சய் தத் நடிக்கவுள்ளதை தயாரிப்பு நிறுவனம் அதிகாரபூர்வமாக அறிவித்துள்ளது. மேலும் இது தொடர்பாக வெளியிடப்பட்டுள்ள போஸ்டரில், ‘தளபதி 67’ படத்தின் ஒன்லைனைக் கேட்டபோதே நான் படத்தின் ஒரு பகுதியாக இருக்க வேண்டும் என்பதை முடிவு செய்துவிட்டேன். இந்தப் பயணத்தை தொடங்குவதில் மகிழ்ச்சியடைகிறேன்” என சஞ்சய் தத் கூறியுள்ளதாக குறிப்பிடப்பட்டுள்ளது.

மேலும், பிரபல நடன இயக்குனரும், பிக்பாஸ் பிரபலமுமான சாண்டி நடிக்க உள்ளதாக அதிகாரப்பூர்வமாக அறிவிக்கப்பட்டுள்ளது. அத்துடன் பிரபல இயக்குனர் மிஷ்கின், நடிகை ப்ரியா ஆனந்த் உள்ளிட்டோரும் நடிக்கவிருப்பதாக அதிகாரப்பூர்வ அறிவிப்பு வெளியாகியுள்ளது. இதனால் விஜய் ரசிகர்கள் உச்சக்கட்ட கொண்டாட்டத்தில் உள்ளனர்.

Leave a Comment

This site uses Akismet to reduce spam. Learn how your comment data is processed.