ஒன்றிய அரசின் 2023 – 24ஆம் ஆண்டுக்கான பட்ஜெட்டை நிதியமைச்சர் நிர்மலா சீதாராமன் இன்று தாக்கல் செய்தார். அடுத்த ஆண்டு மக்களவைத் தேர்தல் நடைபெற உள்ள நிலையில், பிரதமர் மோடி தலைமையில் தாக்கல் செய்யப்படும் கடைசி முழு பட்ஜெட் இதுவாகும். இந்த நிதிநிலை அறிவிப்பில், பாதுகாப்புத்துறைக்கு கடந்த ஆண்டைவிட 13% அதிகமாக 5.93 லட்சம் கோடிகள் நிதி ஒதுக்கீடு செய்யப்பட்டது குறிப்பிடதக்கது.
இந்தநிலையில் குடியரசு தலைவரின் உரையானது பாஜகவின் அறிக்கையாக உள்ளதாக எதிர்கட்சிகள் குற்றம்சாட்டியுள்ளன. பட்ஜெட் கூட்டத்தொடரின் முதல் நாளில் பாராளுமன்றத்தின் கூட்டுக் கூட்டத்தில் தனது முதல் உரையில் நேற்று ஜனாதிபதி திரௌபதி முர்மு, நாட்டில் “நிலையான, அச்சமற்ற, தீர்க்கமான” அரசாங்கம் உள்ளது, எந்த பாகுபாடுமின்றி அனைத்து வகுப்பினருக்கும் உழைக்கும் மற்றும் உத்வேகம் அளிக்கும் ஒரு அரசாங்கம் உள்ளது என்றார்.
ஜனநாயகம் மற்றும் சமூக நீதியின் மிகப்பெரிய எதிரி ஊழலுக்கு எதிரான அரசாங்கத்தின் இடைவிடாத போராட்டத்தைப் பற்றி முர்மு பேசினார். இது குறித்து காங்கிரஸ் தலைவர் மல்லிகார்ஜுன கார்கே கூறுகையில், இது குடியரசுத் தலைவர் மூலம் பாஜக அரசின் அறிக்கை என்றும், அதில் புதிதாக எதுவும் இல்லை என்றும் கூறினார்.
‘‘நாடு இவ்வளவு முன்னேறியுள்ளதாக அரசு கூறினால், வேலையில்லா திண்டாட்டத்தாலும், பணவீக்கத்தாலும் ஏழை மக்கள் தொடர்ந்து பாதிக்கப்படுவது ஏன்.? மோடி அரசின் பெயர் மாற்றப்பட்ட திட்டங்கள் செயல்படுத்தப்படவில்லை’’ என்று அவர் கூறினார்.
அதேபோல் திரிணாமுல் காங்கிரஸ் ராஜ்யசபா எம்பி டெரெக் ஓ பிரையன் கூறுகையில், ‘‘குடியரசுத் தலைவரின் உரை இந்திய அரசாங்கத்தால் எழுதப்பட்டது என்றாலும், அவரது உரையில் முக்கிய விஷயங்கள் இல்லை.
விலைவாசியைக் கட்டுப்படுத்துதல், வேலை வாய்ப்புகளை உருவாக்குதல், கூட்டாட்சியை வலுப்படுத்துதல், வகுப்புவாத நல்லிணக்கத்தை மேம்படுத்துதல், மகளிர் இடஒதுக்கீடு மசோதாவை நிறைவேற்றுதல் பற்றி ஏதேனும் உரையில் உள்ளதா? அதேபோல் வடக்கு கிழக்கு மாநிலங்களை பற்றிய 2 கஞ்சத்தனமான வரிகள் உள்ளன’’ என கூறியுள்ளார்.
மேலும் கம்யூனிஸ்ட் எம்பி பினோய் விஸ்வம் கூறுகையில், ‘‘வரலாற்றுச் சிறப்புமிக்க பாராளுமன்றம் குடியரசுத் தலைவரின் உரையைக் கண்டது, ஒருவேளை அது பாஜகவின் கடைசி அறிக்கையாக இருக்கலாம். சுதந்திரப் போராட்டம் மற்றும் அரசியலமைப்பு தொடர்பான அனைத்தும் திரிக்கப்படுகின்றன. 2024 ஆம் ஆண்டிற்கான ஆளும் கட்சி அறிக்கையின் முதல் அத்தியாயமாக இந்த உரை தெரிகிறது. வார்த்தைகள் அருமை; ஆனால் அதில் உண்மைகள் இல்லை.
சீனாவின் கைக்கூலி தான் பிபிசி; பாஜக எம்பி சாடல்.!
மதச்சார்பின்மையின் பெருமை இல்லை. ஆர்எஸ்எஸ் அச்சுக்கு இந்துத்துவா பெருமை தொனியாக இருந்தது. பெண்கள், இளைஞர்கள், பழங்குடியினர், தலித்துகளுக்கு அதிகாரம் என்பது காகிதத்தில் மட்டுமே உள்ளது’’ என அவர் தெரிவித்துள்ளார்.