ஷாருக்கான் நடிப்பில் கடந்த மாதம் வெளியான ‘பதான்’ படம் வசூலில் பட்டையை கிளப்பி வருகிறது. சமீப காலமாக பாலிவுட் படங்கள் தொடர் தோல்வியை சந்தித்து வந்த நிலையில் ‘பதான்’ படம் அந்த சூழலை மாற்றியுள்ளது. இந்நிலையில் ‘பதான்’ படத்தின் வசூல் சாதனை பாலிவுட் சினிமா ரசிகர்கள் மத்தியில் மகிழ்ச்சியை ஏற்படுத்தியுள்ளது.
ஷாருக்கான், தீபிகா படுகோன், ஜான் ஆபிரஹாம் நடிப்பில் கடந்த 25 ஆம் தேதி வெளியானது ‘பதான்’ படம், இந்தப்படத்தை சித்தார்த் ஆனந்த் என்பவர் இயக்கினார். இந்தப்படத்திலிருந்து வெளியான ‘பேஷரம் ரங்’ பாடல் காட்சியில் தீபிகா அணிந்திருந்த காவி பிகினி ஆடை சர்ச்சையை கிளப்பியது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்து அமைப்புகள் படத்துக்கும் கடும் எதிர்ப்பு தெரிவித்தனர். இதையெல்லாம் மீறி ‘பதான்’ படம் வசூலில் சாதனைப் படைத்து வருகிறது. மேலும் 4 ஆண்டுகளுக்குப் பிறகு ஷாருக்கான் நடித்த படம் என்பதால், ரசிகர்கள் திரையரங்கிற்கு படையெடுத்து வருகின்றனர்.
Pathu Thala: நம்ம சத்தம்.. அதிரடியாக ஆட்டத்தை ஆரம்பித்த சிம்பு: தெறிக்கும் இணையம்.!
ஷாருக்கான் இந்தப்படத்தில் ரா ஏஜெண்டாக நடித்துள்ளார். மேலும் சல்மான் கான் இந்தப்படத்தில் கேமியோ ரோலில் நடித்து ரசிகர்களுக்கு இன்ப அதிர்ச்சி அளித்துள்ளார். ‘பதான்’ படம் வெளியான முதல் நாளில் உலகம் முழுவதும் ரூ.106 கோடி வசூல் அள்ளியது. மேலும், 4 நாட்களில் ரூ.400 கோடிக்கு மேல் வசூலை குவித்திருந்தது.
Thalapathy 67: ரிலீசுக்கு முன்பே சம்பவம் செய்த ‘தளபதி 67’: வெளியான அதிரடி அறிவிப்பு.!
இந்நிலையில், 8 நாட்கள் முடிவில் ‘பதான்’ படம் உலகளவில் ரூ.667 கோடியை வசூலித்துள்ளதாக தயாரிப்பு நிறுவனம் அறிவித்துள்ளது. இந்தியாவில் மட்டும் படம் ரூ.417 கோடியை வசூலித்துள்ளதாக தெரிவிக்கப்பட்டுள்ளது. ஷாருக்கான் தற்போது அட்லி இயக்கத்தில் ‘ஜவான்’ படத்தில் நடித்து வருவது குறிப்பிடத்தக்கது.