என்டிஆர் உருவம் பொறித்த 100 ரூபாய் நாணயம் : ஆர்பிஐ அறிவிப்பு
தெலுங்கு நடிகரும், ஒருங்கிணைந்த ஆந்திரா மாநிலத்தின் முன்னாள் முதல்வருமாக இருந்தவர் மறைந்த என்டி ராமராவ். தமிழிலும் பல படங்களில் நடித்துள்ளார் என்டிஆர் என அழைக்கப்படும் என்டி ராமராவ்.
1923ம் ஆண்டு மே மாதம் 28ம் தேதி பிறந்த என்டிஆரின் நூற்றாண்டு விழா கொண்டாட்டங்கள் தற்போது நடைபெற்று வருகிறது. அதை முன்னிட்டு அவரது உருவம் பொறித்த 100 ரூபாய் நாணயம் ஒன்றை வெளியிட உள்ளதாக ரிசர்வ் பேங்க் ஆப் இந்தியா அறிவித்துள்ளது.
ரிசர்வ் வங்கி அதிகாரிகள் என்டிஆரின் மகள் புரந்தேஸ்வரியைச் சந்தித்து மாதிரி நாயணத்தை வழங்கியுள்ளார்கள். வெள்ளியில் உருவாக உள்ள அந்த நாணயத்தின் ஒரு பக்கம் என்டிஆரின் முகம் பொறிக்கப்பட உள்ளது. என்டிஆருக்கு மத்திய அரசு சார்பில் வழங்கப்பட உள்ள இந்த அங்கீகாரத்திற்கு அவரது ரசிகர்களும், தெலுங்கு தேசக் கட்சியின் தொண்டர்களும் மகிழ்ச்சி அடைந்துள்ளனர்.