தமிழ் திரையுலகில் பல எவர்கிரீன் காமெடி காட்சிகளில் நடித்து முத்திரை பதித்தவர் மயில்சாமி. இவரின் திடீர் மறைவு திரையுலகினர் மற்றும் ரசிகர்கள் மத்தியில் பேரதிர்ச்சியை ஏற்படுத்தியது. மயில்சாமியின் இறப்பிற்கு பின் அவருடன் பணியாற்றியவர்கள், நண்பர்கள் அனைவரும் அவரைப்பற்றிய பல தகவல்களை பகிர்ந்து வருகின்றனர்.
மிமிக்ரி கலைஞராக தனது திரையுலக பயணத்தை துவங்கிய மயில்சாமி வடிவேலு, விவேக் போன்ற பல முன்னணி நடிகர்களுடன் இணைந்து பல காமெடி காட்சிகளில் நடித்துள்ளார். திரைப்படங்களில் நடிப்பதோடு மட்டுமில்லாமல் ஏழை, எளியவர்களுக்கு தனது சக்தியை மீறியும் உதவி செய்துள்ளார் மயில்சாமி. இவரின் கொடை குணம் குறித்து பலரும் தற்போது வரை பெருமிதமாக பேசி வருகின்றனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் தான் கடவுள் பக்தி மிகுந்த மயில்சாமி தீவிரமான சிவா பக்தர். இதனையடுத்து கடந்த சிவராத்திரியில் கேளம்பாக்கத்தில் உள்ள மேகாநாதீஸ்வரர் கோயிலுக்கு சென்றுள்ளார். இரவிலிருந்து அதிகாலை வரை கோயில் சிறப்பு நிகழ்ச்சிகளில் கலந்துக்கொண்டு அதன்பின்னர் வீடு திரும்பி மயில்சாமிம் திடீர் மாரடைப்பு காரணமாக உயிரிழந்தார்.
இதனையடுத்து மயில்சாமியின் மறைவு குறித்து பல செய்திகள் இணையத்தில் பரவி வந்த நிலையில் அவரது மகன்கள் பத்திரிக்கையாளர்களை சந்தித்து விளக்கமளித்தனர். சாப்பிடும் போது அப்பாவுக்கு மூச்சு விடுவதில் சிரமம் ஏற்பட்டு மருத்துவமனைக்கு அழைத்து சென்றோம். அவரை பரிசோதித்த மருத்துவர்கள் அப்பா வரும் வழியிலே இறந்து விட்டார் என்றார்கள். அப்பா விட்டு சென்ற உதவிகளை நாங்கள் செய்வோம். அவரது போன் சுவிட்ச் ஆப் ஆகாது என தெரிவித்திருந்தனர்.
ஆண்டவர் தயாரிப்பில் உதயநிதி நடிக்கவிருந்த படத்தின் கதை இதுவா.?: கமலின் வேறலெவல் திட்டம்.!
இந்நிலையில் அண்மையில் மறைந்த மயில்சாமி கடைசியாக நடித்த கிளாஸ்மேட்ஸ் படத்தின் பாடல் வெளியீட்டு விழா நடந்தது. இதில் அவரது மகன்கள் கலந்து கொண்டு உருக்கமாக பேசினர். மேலும் மயில்சாமி இறக்கும் முன் அவர் நடித்த படத்திற்காக 30 ஆயிரம் ரூபாய் சம்பளம் கிடைத்துள்ளது. அதில் 25 ஆயிரம் ஒருவருக்கும், நான்காயிரம் அசிஸ்டென்ட்களுக்கும், 1000 ரூபாய் மகன்களுக்கும் கொடுத்தாராம். அதன்பிறகு அவரது பையில் இருந்ததும் வெறும் முப்பது ரூபாயம். இறப்பதற்கு முன் வரை அவர் செய்துள்ள உதவி பலரையும் கலங்க வைத்து வருகிறது.
Srinidhi Shetty: படப்பிடிப்பில் தவறாக நடந்தாரா ராக்கி பாய்.?: ‘கே.ஜி.எஃப்’ நாயகி பரபரப்பு விளக்கம்.!