Ponniyin Selvan 2: ரிலீஸ் வரைக்கும் இவங்க தொல்லை தாங்க முடியாதே.. பொன்னியின் செல்வன் டீம்மை மீம்ஸ் போட்டு கலாய்த்த ப்ளூசட்டை!

கல்கியின் பொன்னியின் செல்வன் நாவலை மைய்யப்படுத்தி கடந்த ஆண்டு வெளியான திரைப்படம் பொன்னியின் செல்வன். மணிரத்னம் இயக்கிய இப்படத்தை லைகா நிறுவனம் தயாரித்திருந்தது. இந்நிலையில் இப்படத்தின் இரண்டாம் பாகத்துக்கான பணிகள் நிறைவடைந்தது, ரிலீஸுக்கான தேதியும் குறிக்கப்பட்டு விட்டது.

பொன்னியின் செல்வன் படத்தின் இரண்டாம் பாகம் வரும் ஏப்ரல் 28ஆம் தேதி ரிலீஸ் ஆகிறது. இதனை முன்னிட்டு இப்படத்தின் ப்ரமோஷன் வேலைகள் கடந்த சில நாட்களுக்கு முன்பே தொடங்கிவிட்டது. இந்நிலையில் பொன்னியின் செல்வன் 2 படத்தின் முதல் சிங்கிள் ட்ராக் நேற்று மாலை வெளியானது.

இதற்கான போஸ்டர் நேற்று முன்தினம் வெளியிடப்பட்டது. அதில் குந்தவை த்ரிஷாவுக்கு முன்பு கண்கள் கட்டப்பட்ட மண்டியிட்டிருந்தார் வந்தியத்தேவன் கார்த்தி. மேலும் குந்தவை த்ரிஷா கையில் வாளுடன் மிரட்டலாக போஸ் கொடுத்திருந்தார். இந்நிலையில் ஏஆர் ரஹ்மான் இசையில் நேற்று மாலை முதல் சிங்கிள் ட்ராக் வெளியானது.

இதற்கு முன்பே த்ரிஷாவும் கார்த்தியும் டிவிட்டரில் சோழ ராஜ மொழியில் ஹைப்பை கிரியேட் செய்தனர். இருவரும் மாறிமாறி டிவிட்டுகளுக்கு பதில் அளித்துக் கொண்டது ரசிகர்களை பெரிதும் கவர்ந்தது. கார்த்தி த்ரிஷாவுக்கு நடுவில் நெட்டிசன்களும் தங்கள்பாட்டுக்கு அள்ளிவிட்டனர். இதனால் கலகலத்து போனது டிவிட்டர்.

இந்நிலையில் த்ரிஷா கார்த்தியின் கான்வெர்சேஷனை பார்த்த பிரபல இயக்குநரும் யூட்யூப் விமர்சகருமான ப்ளூ சட்டை மாறன் மீம்ஸ் போட்டு கலாய்த்துள்ளார். அதில் படம் ரிலீஸ் வரைக்கும் இவங்க தொல்லை தாங்க முடியாதே என குறிப்பிட்டு கவுண்ட மணி அய்யோ… ராமா என தலையில் கை வைத்திருக்கும் மீம்ஸை ஷேர் செய்துள்ளார்.

ப்ளூ சட்டை மாறனின் இந்த டிவிட்டை பார்த்த நெட்டிசன்கள், படம் ரிலீஸ் ஆன பிறகு உங்கள் தொல்லை தாங்காது என பதிலுக்கு கலாய்த்துள்ளனர். இன்னும் சிலர் உங்களால் இந்த தொல்லையை தாங்க முடியாவிட்டால் டிவிட்டர் பக்கமே வராதீர்கள் சார் என்றும் பதிவிட்டு வருகின்றனர்.

ப்ளூ சட்டை மாறன், திரைப்படங்கள் குறித்தும் சினிமா பிரபலங்கள் குறித்தும் அவ்வப்போது அவதூறாகவும் தரக்குறைவாகவும் விமர்சித்து வருகிறார். மேலும் திரைப்படங்களை அநாகரீமான முறையில் விமர்சனம் செய்து வருகிறார் என்ற குற்றச்சாட்டு உள்ளது. இதனால் சமூக வலைதளங்களில் அவ்வப்போது வறுபட்டு வருகிறார் என்பது குறிப்பிடத்தக்கது.

Leave a Comment

This site uses Akismet to reduce spam. Learn how your comment data is processed.