எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
லோகேஷ் கனகராஜ் இயக்கத்தில் விஜய் நடிப்பில் உருவாகி வரும் லியோ படத்தின் முதல்கட்ட படப்பிடிப்பு காஷ்மீரில் விறுவிறுப்பாக நடைபெற்று முடிந்தது. கிட்டத்தட்ட ஒரு மாதத்திற்கு மேலாக லியோ படத்தின் படப்பிடிப்பு காஷ்மீரில் நடைபெற்று வந்தது. கடுமையான குளிரில் மிகவும் கஷ்டப்பட்டு ஒரு நாள் கூட வீணடிக்காமல் லியோ படத்தின் படப்பிடிப்பை சொன்ன தேதியில் முடித்துள்ளார் லோகேஷ்.
மேலும் சமீபத்தில் படப்பிடிப்பின் போது படக்குழு எவ்வாறு கஷ்டப்பட்டு உழைத்தனர் என்பதை ஒரு வீடியோவின் மூலம் வெளியிட்டனர். இதை பார்த்த பலரும் லியோ படக்குழுவின் உழைப்பை பாராட்டி வந்தனர். இந்நிலையில் இப்படத்தின் அடுத்தகட்ட படப்பிடிப்பு சென்னையில் விரைவில் துவங்குவதாக பேசப்பட்டு வந்தது.
Leo: படம் முடியும் வரை கொஞ்சம் பொறுமையா இருப்பா..லோகேஷிற்கு தளபதி போட்ட கண்டிஷன்..!
எனவே ஏப்ரல் இரண்டாம் வாரத்தில் அடுத்தகட்ட படப்பிடிப்பு சென்னையில் துவங்கும் என எதிர்பார்க்கப்பட்ட நிலையில் இன்னும் இரண்டே நாட்களிலே அடுத்தகட்ட படப்பிடிப்பு சென்னையில் துவங்கவுள்ளதாம். சென்னை பிரசாத் ஸ்டுடியோவில் மிகப்பெரிய செட் ஒன்றை போட்டு அங்கு படப்பிடிப்பை நடத்த படக்குழு திட்டமிட்டுள்ளது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் லியோ படத்தில் விஜய் தங்கும் வீட்டை தான் செட் போட்டுள்ளனர் என்றும், அந்த செட்டில் பல காட்சிகள் படமாக்கப்பட இருப்பதாகவும் தகவல்கள் வருகின்றன. முதல்கட்ட படப்பிடிப்பு கிட்டத்தட்ட ஒரு மாதகாலம் காஷ்மீரில் கடும் குளிரில் நடைபெற்று முடிந்தது. எனவே அடுத்தகட்ட படப்பிடிப்பு துவங்க குறைந்தது சில வாரங்கள் ஆகும் என எதிர்பார்த்தால் ஒரே வாரத்தில் அடுத்தகட்ட படப்பிடிப்பை துவங்கிவிட்டார் லோகேஷ்.
இவ்வாறு படப்பிடிப்பை எந்த வித தாமதமும் இன்றி லோகேஷ் எடுத்து வருவது கோலிவுட் வட்டாரத்தை சார்ந்தவர்களால் பாராட்டப்படுகிறது. மேலும் லியோ போன்ற ஒரு மிகப்பிரமாண்டமான படத்தை மிகவும் சாதாரணமாக எந்த ஒரு அலட்டலும் இல்லாமல் லோகேஷ் கையாளும் விதம் பலரையும் கவர்ந்துள்ளது.
தயாரிப்பாளருக்கு எந்த வகையிலும் தன்னால் நஷ்டம் வந்துவிட கூடாது என்பதே லோகேஷின் முதல் கடமையும். அதனை சரிவர செய்தாலே நாம் வெற்றிபெற்று விடுவோம் என்பது தான் லோகேஷின் நம்பிக்கை எனவும் அவரின் நெருங்கிய வட்டாரங்கள் தெரிவிக்கின்றன. இந்நிலையில் மே மாதத்திற்குள் படப்பிடிப்பை முடித்துவிட்டு அக்டோபர் மாதம் படத்தை வெளியிட லியோ படக்குழு தீவிரம் காட்டி வருகின்றது என்பது குறிப்பிடத்தக்கது.